निर्वाचनअघि गरेका प्रतिवद्धताहरु जसरी पनि पूरा गर्ने छु : मेयर डंगोल

काठमाडौं । कीर्तिपुर नगरपालिकाका ननिर्वाचित प्रमुख कृष्णमान डंगोलले पद तथा गोपनीयताको शपथ ग्रहणगरेका छन् ।
मंगलबार कीर्तिपुर नगरपालिकाको सभाहलमा कांग्रेसका मेयर डंगोलले पद तथा गोपनीयताको शपथ ग्रहण गरेका हुन् ।
शपथ ग्रहणपछि उनले आफूले निर्वाचन अघि मत माग्दै गर्दा जनता सामु गरेको प्रतिवद्धताहरु पूरा गर्ने विश्वास दिलाए । उनले आफ्नो पहिलो निर्णय स्वास्थ्यबाट काम सुरु गर्ने जानकारी दिए ।
उनले भने,‘मैले तपाईहरु सामु भोट माग्दा गरेका प्रतिवद्धताहरु यो दुई वर्षको कार्यकालमा एकछिन पनि आराम नगरीकन, नथाकिकन सकेसम्म पूरा गर्ने विश्वास दिलाउन चाहन्छु । तपाईहरुको विश्वास टुट्न दिने छैन् । पहिले आफ्नो पहिलो निर्णय स्वास्थ्यबाट गर्ने छु ।’
मेयर कृष्णमान डंगोल पाँच हजार ३३४ मत प्राप्त गरी विजयी भएका हुन् । सोमबार राति सकिएको मतगणनामा उनका निकटतम प्रतिस्पर्धी नेकपा (माओवादी केन्द्र) काशिवशरण महर्जनले चार हजार ५५५ मत प्राप्त गरे ।
यस्तै, एमाले)का सुरेन्द्र मानन्धरले चार हजार ३२७ र स्वतन्त्र उम्मेदवार राजमान महर्जन ‘मानव’ले दुई हजार ३६ मत पाएका थिए ।

थप समाचारहरु

स्ववियू भक्तपुरले खन्यायाे रजिस्ट्रारकाे अफिस अगाडि भत्काएको संरचना आज रातिदेखि कीर्तिपुर र काठमाडौं-१६ मा मदिरा बेचबिखन निषेध गृहमन्त्रीको नक्कली पिए विष्ट पक्राउ भ्रष्टाचारको अन्त्यबिना राष्ट्रिय एकता कायम हुन सक्दैन त्रिविका कार्यकारी निर्देशक र पदाधिकारीको पारिश्रमिक विषयमा आपत्ति सबै पक्ष सकारात्मक हुनुपर्छ, नकारात्मक भएर केही पनि हुँदैन : मुख्यमन्त्री लामा