नेपाली सेना र अमेरिकी सेनाको संयुक्त सैन्य अभ्यास सम्पन्न

४ असोज, काठमाडौँ । नेपाली सेना र अमेरिकी सेनाबीच भदौ ३० गतेदेखि सुरु भएको संयुक्त सैन्य अभ्यास ‘प्यासिफिक एन्जल’ आज सम्पन्न भएको छ।

नेपाली सेनाका अनुसार विपद् व्यवस्थापन तथा मानवीय सहयोगको क्षेत्रमा अनुभव आदानप्रदान गरी विपद् प्रतिकार्य क्षमता अभिवृद्धि गर्ने उद्देश्यले संयुक्त सैन्य अभ्यास गरिएको हो।

अभ्यासमा विभिन्न प्रकारका विपद्को दौरान सञ्चालन गरिने खोज तथा उद्धार कार्यलाई थप प्रभावकारी बनाउन अपनाउनु पर्ने विद्यमान विधि तथा प्रक्रियाहरूका सम्बन्धमा ज्ञान आदानप्रदान भएको नेपाली सेनाले जनाएको छ।

काठमाडौँ, मकवानपुर र धादिङ जिल्लामा सोसम्बन्धी विभिन्न अभ्यासहरू सञ्चालन भएका थिए। सन् २०१२ बाट सुरु भएको उक्त अभ्यासको यो चौथो संस्करण हो।

थप समाचारहरु

हमासको हवाइ आक्रमणको कमाण्डर मारिएको इजरायलको दाबी एक हप्ता अघि सुरुङभित्र फसेका ४० मजदुरको अझै भएन उद्धार बंगलादेशमा मतदान जारी, विपक्षीको बहिस्कार खगोलविद्हरूले भेटाए तीव्र गतिको ब्ल्याक होल जसले हरेक दिन खाइरहेको छ एउटा सूर्य नाभाल्नीको शव उनकी आमालाई जिम्मा लगाइयो भारतमा लोकसभाको चुनाव घोषणा, कुन राज्‍यमा कहिले ?