२ असोज, काठमाडौँ । कोशी प्रदेशका मुख्यमन्त्री हिक्मतकुमार कार्कीले आज विश्वासको मत लिँदैछन् । नेकपा माओवादी केन्द्रले सरकारलाई दिएको समर्थन फिर्ता लिएपछि मुख्यमन्त्री कार्कीले आज विश्वासको मत लिन लागेका हुन् ।
समर्थन फिर्ता लिएको ३० दिन भित्र विश्वासको मत लिनुपर्ने संवैधानिक व्यवस्था रहेको छ ।
सोही व्यवस्थाअनुसार मुख्यमन्त्रीले विश्वासको मत लिने प्रयोजनका लागि प्रस्ताव दर्ता गराएको र दिउँसो १ बजेका लागि बैठक बोलाइएको कोशी प्रदेशसभाका प्रवक्ता गौतमराज अमात्यले बताए ।
केन्द्रमा सत्ता गठबन्धन फेरिएसँगै कोशीमा पनि काँग्रेस–एमालेको सरकार बनेको छ । साउन ११ गते कोशी सरकार छाडेको माओवादीले भदौ १४ गते समर्थन फिर्ता लिएको थियो ।
मुख्यमन्त्री कार्कीको समर्थनमा एमालेका ४० र काँग्रेसका २९ सांसद छन् । प्रदेशमा बहुमतका लागि ४७ जना आवश्यक पर्छ । प्रदेश सभामा माओवादी केन्द्रका १३, राप्रपाका ६, नेकपा एकीकृत समाजवादीका ४ र जसपाका १ सांसद छन् ।
थप समाचारहरु
स्थानीय तहमा ३४ पद रिक्त, उपनिर्वाचनको लागि नाम दर्ता गर्न आयोगको आह्वान
परराष्ट्रमन्त्री राणा र स्पेनका प्रधानमन्त्रीबीच भेटवार्ता
नेपाल विश्वविद्यालयको कुलपतिमा डा.लोहनी चयन
प्रतिनिधिसभाको बैठकमा प्रतिपक्षीको विरोध
भूकम्पको शिर्षकमा बजेट छुट्याउन माओवादीको आग्रह
रवीन्द्र मिश्रलाई हाजिरी जमानीमा छोड्न सर्वोच्चको आदेश
