१९ भदौ, काठमाडौं । अरनिको राजमार्ग अन्तर्गत धुलिखेल-खावा सडकखण्डमा दुई दिन टिपर र मालबाहक सवारीसाधन सञ्चालन गर्न नपाइने भएको छ ।
सडक डिभिजन कार्यालय भक्तपुरले २० र २१ भदौमा टिपर र मालबाहक गाडी सञ्चालनमा रोक लगाएर सडक मर्मत गर्न लागेको हो ।
निमार्ण व्यवसायीको लापरबाहीका कारण बर्खाको समयमा सडक जीर्ण भएर काठमाडौंबाट काभ्रेपलाञ्चोक, सिन्धुपाल्चोक, दोलखा, रामेछाप र चीन जोड्ने तातोपानी नाका जाने प्रमुख सडक जोखिमपूर्ण छ । जसका कारण यात्रुहरू जोखिम मोलेर यात्रा गर्न बाध्य छन् ।
निर्माणाधिन धुलिखेल-खावा सडकखण्ड अत्यन्तै जीर्ण भएकोले सडक निर्माणमा सहयोग गर्न सबैसँग सडक डिभिजन कार्यालय भक्तपुरले अनुरोध समेत गरेको छ ।निर्माण सामग्रीको ढुवानी गर्ने टिपरका साथै चीनको खासा हुँदै नेपाल भित्रिने वस्तुको ढुवानी गर्ने कन्टेनर उक्त सडकमा उच्च चाप हुने गरेको छ ।
थप समाचारहरु
किसानलाई मल बीउभन्दा बाँदर आतङ्क समस्या
डेढ महिनामै तानिए महोत्तरी र सर्लाहीका एसपी
मार्तडी–कोल्टी सडक पाँच दिनदेखि बन्द
मेक्सिकोमा न्यायिक सुधारको प्रस्तावको विरोधमा प्रदर्शन
सरकारी अस्पतालमा विद्युत महशुल छुट दिलाउन मन्त्री पौडेलको सक्रियता
जलवायु परिवर्तनका कारण प्राकृतिक प्रकोपको समस्या पेचिलो बन्यो : गृहमन्त्री लेखक
