धनगढीमा पेस्तोल भेटियो, शङ्कास्पद व्यक्ति फरार

१८ भाद्र, काठमाडौँ । कैलालीको धनगढीमा पेस्तोल फेला परेको छ । धनगढी उप–महानगरपालिका –७ मनेहरा स्थित जुगेडा जाने बाटो छेउमा पेस्तोल फेला परेको हो ।

जिल्ला प्रहरी कार्यालय कैलालीका अनुसार जुगेडामा केही व्यक्ति लागू औषध सेवन गरिरहेको सूचनाका आधारमा खटिएको प्रहरी टोलीले पेस्तोल फेला परेको थियो ।

प्रहरी पुगेपछि लागू औषध प्रयोगकर्ता भने फरार भएको प्रहरीले जनाएको छ । उक्त स्थानमा घाँस भित्र बिना म्याग्जिनको एक नाले पेस्तोल बेवारिसे अवस्थामा फेला पारेको प्रहरीको भनाइ छ ।