राप्रपा नेपालले ‘मधेस उत्थान विशेष अभियान’ सञ्चालन गर्ने

१२ भाद्र , काठमाडौँ । राप्रपा नेपालले ‘मधेस उत्थान विशेष अभियान’ सञ्चालन गर्ने भएको छ । केन्द्रीय कार्य सम्पादन समितिको बुधवार बसेको बैठकले मधेस उत्थान विशेष अभियानको अवधारणा पत्र र कार्य योजना तयार गर्न उपाध्यक्ष धीरेन्द्र झाको संयोजकत्वमा समिति गठन गरेको छ ।

बैठकले निर्वाचन प्रणालीमा सुधार, प्रत्यक्ष निर्वाचित कार्यकारी प्रधानमन्त्री वा संसदीय प्रणाली, भ्रष्टाचार नियन्त्रण आयोगका एवं संवैधानिक परिषद् र न्यायपरिषदको गठन स्वरूपका बारेमा पार्टीको आधिकारिक धारणा तयार गर्न सुझाव समिति गठन प्रवक्ता बसन्तमान सिंह अधिकारीले जानकारी दिए । उनका अनुसार बुद्धिजीवी वर्ग, पार्टीका विभिन्न तहका कार्यकर्ता र शुभेच्छुक तथा सर्वसाधारण जनताको राय बुझेर समितिले एक महिनाभित्र प्रतिवेदन दिनेछ ।

डा. विष्णु भण्डारी संयोजक रहेको सुझाव समितिमा बसन्तमान सिंह अधिकारी, नरप्रसाद थापा, राजाराम बर्तौला ‘चुनेली’ र जीवछ मिश्र सदस्य रहेका छन् ।

थप समाचारहरु

प्रचण्डले एमालेलाई प्रधानमन्त्रीको प्रस्ताव गर्न ढिला गर्नुभयो : सांसद भट्टराई निजामती कर्मचारी सङ्गठनको अध्यक्ष पदमा दाहाल टुँडिखेलमा सेनाले मनायो घोडेजात्रा, राष्ट्रपति र प्रधानमन्त्री सहभागी प्रदेश संरचनाको देशमा सुशासन आवश्यक छ : तामाङ सगरमाथा आरोहण गरेका प्रहरीको पदोन्नति मधेश प्रदेश : सरकार गठन गर्न सात दलले आज दाबी पेश गर्दै