६ भदौ, कैलाली । नेपाली काँग्रेस कैलालीले वाढी प्रभावितलाई राहत र उद्धारमा सहयोग गर्न पार्टीका भातृसंगठन एवम् शुभेच्छुकहरुलाई आव्हान गरेको छ । पछिल्लो दुई दिन देखिको भारी बर्षका कारण जनजीवन प्रभावित भएको बिषयलाई लिएर नेपाली काँग्रेस कैलालीले प्रेस विज्ञप्ति जारी गदेैसरकार र आफ्ना पार्टीका भातृ संगठनको ध्यानाकषर्ण गराएको हो ।
कैलालीका सबै पालिकामा बर्षाका कारण नदीहरुमा आकस्मिक बाढीको बहाव निरन्तर बढदै गएकाले सडक, पुल लगायत किसानहरुको खेती योग्य जमिन कटान हुँदै गएको समस्या प्रति नेपाली काँग्रेस कैलाली गम्भिर भएकोबारे प्रेस विज्ञप्ति मार्फत जानकारी गराएको छ ।
आम नागरीकको जीवन अहिले संकटमा रहेको हुनाले यस बिपतको बेलामा वाढीवाट प्रभावित जनतालाई राहत र उद्धारमा सहयोग गर्न नेपाली काँग्रेस कैलाली प्रविबद्ध रहेको काँग्रेस कैलालीका पार्टी सचिव नृप बहादुर सुनारको हस्ताक्षरीत विज्ञप्तिमा उल्लेख गरिएको छ ।
नदीहरुमा पानीको वहाब बढीरहेको हुँदा तटिय क्षेत्र आसपासमा बसोबास गर्ने नागरिकलाई उच्च सतर्कताका अपनाउन विज्ञप्ति मार्फत अपिल गरेका छन् । साथै तीन तहकै सरकार , सामाजिक संघ संस्था र नागरिक स्वयंलाई विपत्तिको सामना गर्न समेत अपिल गरीएको छ ।
थप समाचारहरु
स्थानीय तहमा ३४ पद रिक्त, उपनिर्वाचनको लागि नाम दर्ता गर्न आयोगको आह्वान
परराष्ट्रमन्त्री राणा र स्पेनका प्रधानमन्त्रीबीच भेटवार्ता
नेपाल विश्वविद्यालयको कुलपतिमा डा.लोहनी चयन
प्रतिनिधिसभाको बैठकमा प्रतिपक्षीको विरोध
भूकम्पको शिर्षकमा बजेट छुट्याउन माओवादीको आग्रह
रवीन्द्र मिश्रलाई हाजिरी जमानीमा छोड्न सर्वोच्चको आदेश
