६ भदौ, सुर्खेत । हुम्ला जिप दुर्घटनामा गम्भीर घाइते भएका एक जनाको मृत्यु भएको छ । मृत्यु हुनेमा मुगुको छायाँनाथ रारा नगरपालिका–१ का ३५ वर्षीय रमेश मल्ल छन्।
मल्लको कर्णाली प्रदेश अस्पताल सुर्खेतमा उपचारका क्रममा बुधवार राति मृत्यु भएको जिल्ला प्रहरी कार्यालय सुर्खेतका प्रवक्ता एवं डिएसपी वीरेन्द्र वीर विश्वकर्माले जानकारी दिए । मल्ल उक्त जिपका मालिक हुन् ।
दुर्घटनामा गम्भीर घाइते भएका रमेश मल्लसहित चार जनालाई बुधवार बेलुका मात्रै हेलिकप्टरमार्फत प्रदेश अस्पताल ल्याइएको थियो । हुम्लाको चङ्खेली गाउँपालिका–२, गर्खाबाट देउली बजारतर्फ गइरहेको कर्णाली प्रदेश २००१ च ०९२२ नम्बरको जिप गौरीसल्लामा दुर्घटनामा परेको थियो ।
उक्त दुर्घटनामा घाइते भएका ७ जनामध्ये चार जना गम्भीर घाइते भएका थिए । गम्भीर घाइते भएकाहरूलाई थप उपचारका लागि सुर्खेत ल्याइएको थियो ।
थप समाचारहरु
कर्णालीमा शतप्रतिशत मतदान, ४ बजेबाट मतगणना
यार्सा सङ्कलनः मुगुमा ४ जनाको मृत्यु, एक सिकिस्त
मुगुमा बेमौसमी सिमी उत्पादन भएपछि तरकारीको समस्या हट्यो
सोरु गाउँपालिकाका स्थानीय बासीहरु जोखिम मोलेर पुल तर्न बाध्य
मुगुका स्थानीय तहको मूल्यांकन : कार्यसम्पादनमा सोरु पहिलो, वित्तीय क्षेत्रमा मुगमकार्मारोङ
कर्णाली सरकारका उपलब्धी सार्वजनिक, उल्लेख्य प्रगती भएको मुख्यमन्त्रीको दावी
