२०–३० वर्षको उमेरमा बिहे गर्न प्रधानमन्त्रीको सुझाव

३० साउन, काठमाडौँ । प्रधानमन्त्री केपी ओलीले जनसंख्याको आवश्यकता र भविष्यमा हुन सक्ने डेमोग्राफिक्स डिसअर्डरबारे अहिलेदेखि नै गम्भीर हुनुपर्ने बताएका छन् । सोमबार अन्तर्राष्ट्रिय युवा दिवस समारोहमा उनले युवाहरूलाई २०–३० वर्षको उमेरतिर बिहे गर्न सुझाएका हुन् ।

‘२०–३० वर्षको उमेरतिर बिहे गर्नुस्, छिट्टै बच्चाबच्ची पाइहाल्नुस्, त्यसो गरेपछि जबमा लागे पनि भो, जेमा लागे पनि भो, बाहिरफेर घुमाइफिराइ गरे पनि केही भएन, छोराछोरी हुर्कंदै गर्छन्,’ उनले भने, ‘५० वर्षपछि नेपाल ज्येष्ठ नागरिकहरूको देश हुने खतरा छ, गीत गाउँछन् ४० कटेसी रमाउँला भनेर, उमेर छउन्जेल विदेशतिर गइराख्या हुन्छ, फ्युचर जेनेरेसनको कुरा गर्ने, अनि फ्युचर भनेको पैसा हो ? पैसाले फ्युचर हुन्छ ? त्यसका लागि बालबच्चा चाहियो होला ।’

प्रधानमन्त्री ओलीले उद्यमशीलताको विकास गर्ने र भविष्यबारे सोच्न सचेतसमेत गराए । एकातिर रोजगारीकै समस्या छ, बालबच्चा पाल्ने कसरी भन्ने समस्या त छँदै छ, त्यसकारण एकातिर हामीले उद्यमशीलताको विकास गर्नुप¥यो,’ उनले भने

थप समाचारहरु

स्थानीय तहमा ३४ पद रिक्त, उपनिर्वाचनको लागि नाम दर्ता गर्न आयोगको आह्वान परराष्ट्रमन्त्री राणा र स्पेनका प्रधानमन्त्रीबीच भेटवार्ता नेपाल विश्वविद्यालयको कुलपतिमा डा.लोहनी चयन प्रतिनिधिसभाको बैठकमा प्रतिपक्षीको विरोध भूकम्पको शिर्षकमा बजेट छुट्याउन माओवादीको आग्रह रवीन्द्र मिश्रलाई हाजिरी जमानीमा छोड्न सर्वोच्चको आदेश