बुटवलमा उजिरसिंह फल्चा निर्माण

२९ साउन, लुम्बिनी । बुटवल उपमहानगरपालिकाले सम्पदा संरक्षण तथा प्रवर्द्धन गर्ने उद्देश्यले फल्चा निर्माण गरेको छ । बुटवल वडा नं ५ मा निर्माण भएको सो फल्चाको सोमबार बुटवल उपमहानगरपालिकाका प्रमुख खेलराज पाण्डेयले नेवारी परम्पराअनुसार शुभारम्भ गर्नुहुँदै बुटवलको पुरानो पहिचान र स्थानीय संस्कृतिको संरक्षण गर्ने उद्देश्यले फल्चा निर्माण गरिएको बताए । उनले अन्य जातजाति र संस्कृतिको संरक्षणका लागि चालु आर्थिक वर्षमा अन्य स्थानमा यस्तै फल्चा, चौतारी, विश्रामस्थल निर्माण गरिने जानकारी दिए ।

सो अवसरमा उपप्रमुख सावित्रादेवी अर्यालले बुटवललाई बस्नयोग्य सहरका रूपमा स्थापित गर्ने उद्देश्यका साथ सार्वजनिकस्थलको संरक्षण र प्रवर्द्धन गर्ने बताए । उनले बुटवललाई सबै जातजातिको अपनत्व हुनेगरी संरचना निर्माण भएको छ भने । वडा नं ५ का अध्यक्ष हरिप्रसाद श्रेष्ठले बुटवलले कला, संस्कृतिका क्षेत्रमा सबैलाई समेटेर लैजानका लागि यस्ता संरचना निर्माण गरेको बताए।

थप समाचारहरु

बाँकेको फत्तेपुरका एक सय २६ घरमा स्वच्छ पेयजलको सुविधा बाँकेमा वनक्षेत्रमा बनाइएका घरटहरा हटाइए बाँकेमा निःशुल्क स्वास्थ्य शिविरबाट ज्येष्ठ नागरिक लाभान्वित गुल्मी प्रशानद्वारा अशक्तलाई घरमै नागरिकता प्रदान बाढीले बगाउँदा हाइड्रोमा कार्यरत बर्दियाका २ जना मजदुर बेपत्ता बर्दिया राष्ट्रिय निकुञ्जमा पर्यापर्यटनबाट बढी राजस्व