२७ साउन, काठमाडौँ । प्रधानमन्त्री केपी शर्मा ओलीले सय दिन भित्र गर्न सक्ने कामको कार्य योजना बनाई २८ गते सोमबारभित्र पेश गर्न सचिवहरूलाई निर्देशन दिएका छन् । प्रधानमन्त्रीको निर्देशन कार्यान्वयन गराउने सन्दर्भमा प्रधानमन्त्री तथा मन्त्रिपरिषद् कार्यालयले प्रत्येक मन्त्रालयका सचिवहरूलाई पत्राचार गर्दै कार्य योजना बनाई पेश गर्न भनेको हो ।
‘प्रतिनिधि सभामा गरेको सम्बोधन र मन्त्री–सचिवहरूलाई दिएको सामूहिक निर्देशनसमेतका आधारमा प्रत्येक मन्त्रालय तथा केन्द्रिय कार्यालयहरूले सय दिन भित्र गर्न सक्ने कामको कार्य योजनासहित २८ गते भित्र पेश गर्न निर्देशन भएको छ’, प्रशासन सिंहदरवार विशेष स्रोतले भन्यो ।
समृद्ध नेपाल सुखी नेपालीको अभियानकर्तासमेत रहेका प्रधानमन्त्री ओलीले मुलुकमा सुशासन कायम गर्दै सुव्यवस्था दिन लागि परेको बताउँदै आएका छन् । आफ्ना प्रत्येक जसो निर्देशनमा विकासलाई गति दिनुपर्ने बताउँदै आएका ओली जनतामा छाइरहेको निराशालाई हटाउँदै आशावादी बनाउन सरकारी संयन्त्रले अझ बढी सक्रिय र प्रभावकारी ढङ्गले काम गर्नुपर्ने बताउँदै आएका छन् ।
पछिल्लो समय सरकारी संयन्त्रमार्फत नागरिकहरूमा भरोसा जगाउने गरी योजनाबद्ध रूपमा प्रधानमन्त्री अघि बढिरहेको प्रधानमन्त्री कार्यालयले स्रोतले प्रशासनलाई जानकारी दिएको छ ।
थप समाचारहरु
बालुवाटारमा नयाँ सत्ता गठबन्धनको बैठक, शीर्ष नेताहरु सहभागी
आफ्नो लक्ष्य र उद्देश्य परिपुर्ती गर्नका लागि शक्तिका साथ अगाडि बढ्नुपर्छ : माधव नेपाल
कांग्रेस मझौला व्यवसायी विकास विभागले स्टार्टअप र साना मझौला व्यवसाय सम्मेलन गर्ने
बहुविवाहलाई कानुनी मान्यता दिने प्रयास अस्वीकार्य : श्रेष्ठ
एमाले सचिवालय बैठक शनिबार बस्ने
पार्टी विभाजनको औचित्य पुष्टि भएको छ : अध्यक्ष नेपाल
