२४ साउन, काठमाडौं । बंगलादेशमा नयाँ सरकार बनेको छ। आन्दोलन थेग्न नसकेपछि राजीनामा दिएर शेख हसिनाले देश छाडेपछि नयाँ सरकार बनेको हो । प्रमुख सल्लाहकार मोहम्मद युनुसको नेतृत्वमा नयाँ सरकार बनेको हो । युनुसले राष्ट्रपतिसँग बिहीबार बेलुका सपथ लिएका छन् ।
नोबल पुरस्कार विजेता युनुस बिहीबार मात्रै पेरिसबाट फर्किएका थिए । सेना र आन्दोलनरत बिद्यार्थीको सहमतिका अनुसारमा युनुसको नेतृत्वमा नयाँ सरकार बनेको हो । हसिना प्रधानमन्त्री हुँदा उनी युनुसको विरोधी थिइन् । माइक्रोफाइनान्सका गुरु मानिने युनुस नोबल पुरस्कार बिजेता हुन् ।
युनुसको नेतृत्वमा १६ सदस्यीय सल्लाहकार परिषद् बनेकोमा उनीहरुले समेत सपथ लिएका छन् ।
सरकारी जागिरमा आरक्षण व्यवस्था संशोधनसम्बन्धि आन्दोलन चर्किएपछि १५ वर्षदेखि सत्ता चलाइरहेकी हसिना देश नै छाड्न बाध्य भएकी हुन् । निरंकुश शैलीमा देश चलाएकोमा उनीविरुद्ध देशमा आक्रोश बढेको थियो ।
थप समाचारहरु
अदालतको आदेशमा थाइल्याण्डको सबैभन्दा ठूलो दल भंग
आगामी तीन वर्षमा अफ्रिकाका लागि ५० अर्ब डलर दिने चिनियाँ राष्ट्रपतिको वाचा
परराष्ट्रमन्त्री राणा र स्पेनका प्रधानमन्त्रीबीच भेटवार्ता
आज संयुक्त राष्ट्रसंघको महासभालाई सम्बोधन गर्दै प्रधानमन्त्री ओली
अर्थमन्त्री पौडेल र अमेरिकी सहायक विदेशमन्त्री लुबीच छलफल
राष्ट्रपति पौडेलद्वारा पूर्वराष्ट्रपति कार्टरको निधनप्रति दुःख व्यक्त
