प्रहरीमाथि हातपात गर्ने २ जना पक्राउ

२३ साउन, काठमाडौं । डडेल्धुरामा प्रहरीमाथि हातपात गर्ने २ जना पक्राउ परेका छन् । अमरगढी नगरपालिका–११ घर भएका करन बोहरा र नवदुर्गा-१ घर भई हाल कञ्चनपुरको कृष्णपुर नगरपालिका-९ बस्ने गौरव ऐर पक्राउ परेका प्रहरीले बताएको छ ।

प्रहरीका अनुसार उनीहरूले एक रात्रीकालीन बसमा तोडफोड र बस सहचालकमाथि हातपात गर्न खोजेका थिए । बस चालकले प्रहरीलाई खबर गरेपछि घटनास्थल पुगेको प्रहरीले सम्झाई बुझाई गर्न खोज्दा नमानी प्रहरीमाथि नै हातपात गरेपछि दुबै जनालाई पक्राउ गरिएको जिल्ला प्रहरी कार्यालय डडेल्धुराले बताएको छ ।

सोमबार राति अमरगढी-५ तुफानडाँडामा सडकमै प्रहरीमाथि हातपात गर्ने उनीहरुलाई पक्राउ गरिएको प्रहरीले बताएको छ ।

थप समाचारहरु

सबै प्रदेशमा मानव अङ्ग प्रत्यारोपण उपकेन्द्र स्थापना गर्ने मन्त्री पौडेलको घोषणा आगलागीमा परी १० लाख बढीको क्षति प्रहरी कुट्ने चार युवा पक्राउ पाँचवटा संसदीय समितिको बैठक बस्दै, यस्ता छन् कार्यसूची आर्थिक सुधारलाई उच्च महत्व : अर्थमन्त्री पौडेल मौसम पूर्वानुमान : चार प्रदेशमा अत्यधिक वर्षा हुने सम्भावना