१५ साउन, तम्घास । धुर्कोट गाउँपालिका–३ हाडहाडेमा सञ्चालित ठूलामूल लिफ्टिङ खानेपानी आयोजनाबाट पाँच सय ५९ घरमा खानेपानी सुविधा उपलब्ध भएको छ ।
आर्थिक वर्ष २०७६-७७ मा सुरु भएको उक्त योजना हालै सम्पन्न भएको हो । एउटै आयोजनाबाट यति धेरै घरमा शुद्ध पेयजलको व्यवस्था भएको धुर्कोट पालिकाको यो पहिलो ठूला खानेपानी आयोजना हो । आयोजनाबाट हाडहाडेका मोटिखर्क, निन्यूखर्क, पाथ्थरपानी, अबुवा, सिर्बु, मोरमारेलगायत टोलका बासिन्दा लाभान्वित भएका छन् ।
आयोजनाबाट झण्डै दुई हजार दुई सयभन्दा बढी अप्रत्यक्ष रुपमा लाभान्वित भएका छन् । सैनिक प्रावि, वडा कार्यालय, स्वास्थ्य चौकीलगायत संस्थाहरुमा यसै आयोजनाको पानी उपलब्ध गराइएको छ । दैनिक रुपमा घरमै पानी आएपछि स्थानीयको दैनिकी फेरिएको छ । “पहिले–पहिले एक घण्टा हिँडेर पानी लिन जानुपथ्र्यो ।”स्थानीय ६८ वर्षीया मनकुमारी थापाले भने, “अहिले घरमै पानी आउदा सहज भएको छ ।”पहिले खेताला लगाएर पानी ल्याएको उनले बताए ।
ठुलामूल खानेपानी उपभोक्ता समितिका सचिव नीरबहादुर घमले आयोजना सम्पन्न गर्न रु चार करोडभन्दा बढी खर्च भएको बताए । आयोजना सम्पन्न भएसँगै हाडहाडेका पाँच सय ५९ घरमा धारा जडान भएका छन् । धुर्कोट गाउँपालिकामा पाँच हजार तीन सय ८२ घर छन् । हाल पालिकाका अधिकांश घरमा स्वच्छ पानीको सुविधा उपलब्ध छ ।
थप समाचारहरु
बाँकेको फत्तेपुरका एक सय २६ घरमा स्वच्छ पेयजलको सुविधा
बाँकेमा वनक्षेत्रमा बनाइएका घरटहरा हटाइए
बाँकेमा निःशुल्क स्वास्थ्य शिविरबाट ज्येष्ठ नागरिक लाभान्वित
गुल्मी प्रशानद्वारा अशक्तलाई घरमै नागरिकता प्रदान
बर्दिया राष्ट्रिय निकुञ्जमा पर्यापर्यटनबाट बढी राजस्व
रविको मुद्दामा जवाफी बहस सकियो, आजै आदेश आउने
