घट्टेखोला किनारको सडक बाढीले बगाउन थाल्यो

११ साउन, काठमाडौँ । गोकर्णेश्वर नगरपालिका–४ स्थित गोकर्णबाट वडा नं २ को पाखाथोक जाने घट्टेखोला किनारको सडक बाढीले बगाउन थालेको छ । तीन वर्षअघि उपभोक्ता समितिले खोलाको किनारमा पर्खाल लगाएर निर्माण गरेको सडक बिहीबार राति वर्षासँगै आएको बाढीले भत्काएको हो ।

सडक खोलाले भत्काउन थालेपछि यहाँबाट यात्रा जोखिमपूर्ण बन्दै गएको स्थानीय विजय कर्माचार्यले बताए । धेरै विद्यालयका सवारीसाधन आवागमन हुने यो खण्ड बन्द भए विद्यार्थीलाई अप्ठ्यारो हुने उनको भनाइ छ ।

गोकर्णेश्वर–३ का प्राविधिकसमेत रहनुभएका कर्माचार्यले पर्खाल बनाउन प्रयोग गरिएका ढुङ्गा बगाउन नपाओस् भनेर रोकथामका लागि पहल थालिएको बताए ।

सडक जोखिममा परेपछि आज बिहान नगर प्रमुख दीपककुमार रिसाल र वडा नं ४ का वडाध्यक्ष जयराम महतले स्थलगत निरीक्षण गरेका छन् । धेरै स्थानीयवासीले प्रयोग गर्ने सडक भएकाले तत्काल लगत अनुमान तयार पारेर निर्माण गरिने वडाध्यक्ष महतले जानकारी दिए ।

थप समाचारहरु

माइतीघर मण्डलाबाट सिके राउतसहित पक्राउ विश्व वातावरण दिवसः ‘हाम्रो भूमि, हाम्रो भविष्य’ भन्ने मूल नारासाथ मनाईदै नक्कली शरणार्थी प्रकरण अनुसन्धानमा नयाँ तथ्य भेटिएन बालेनका समर्थक बसन्तपुरबाट प्रहरी नियन्त्रणमा जलवायु वित्तको भुक्तानी माग गर्दै काठमाडौंमा प्रदर्शन दिग्भ्रमित पार्न सक्ने खतराबाट आमसञ्चारका माध्यमहरू सचेत हुनुपर्छ :  राष्ट्रपति पौडेल