१५ जेठ, काठमाडौं । सरकारले सिंहदरबार वैद्यखानाको पुर्नसंरचना गरी क्षमता विस्तार गर्ने भएको छ । अर्थमन्त्री वर्षमान पुनले आगामी आर्थिक वर्ष २०८१-८२ को बजेट प्रस्तुत गर्दै यस्तो जानकारी गराएका हुन् ।
आधारभूत आयुर्वेद औषधि उत्पादनलाई प्रवर्द्धन गर्दै सरकारी, सामुदायिक र निजी क्षेत्रबाट सञ्चालित स्वास्थ्य सेवा, औषधि उत्पादन र वितरणको गुणस्तर र मूल्यको नियमन सुदृढ बनाइने मन्त्री पुनले जानकारी दिए । उनका अनुसार वैकल्पिक उपचार पद्धतिका लागि २४ करोड विनियोजन भएको छ ।
यस्तै आयुर्वेद, प्राकृतिक चिकित्सा,योग, होमियोप्याथी, यूनानी, अक्युपङ्चर, सोवारिग्पा लगायतका अन्य वैकल्पिक उपचार पद्धतिको विस्तार गरिने उनले बताए । नागरिक आरोग्य कार्यक्रमलाई समुदायस्तर सम्म विस्तार गर्ने उनले बताए ।
काठमाडौंको बुढानीलकण्ठमा रहेको राष्ट्रिय आयुर्वेद योग तथा पञ्चकर्म केन्द्र भवनको निर्माण सम्पन्न गरी सञ्चालनमा ल्याइने उनले जानकारी दिए ।
थप समाचारहरु
हुबहु समाचार सार्ने १८३ अनलाइन काउन्सिलको कारबाहीमा
आफ्नो लक्ष्य र उद्देश्य परिपुर्ती गर्नका लागि शक्तिका साथ अगाडि बढ्नुपर्छ : माधव नेपाल
केपी ओली कपःपहिलो खेलमा एपीएफ र संकटा भिड्दै
राष्ट्रपति पौडेलसँग राष्ट्रिय फोटो पत्रकार समूहको भेट
बहुविवाहलाई कानुनी मान्यता दिने प्रयास अस्वीकार्य : श्रेष्ठ
एमाले सचिवालय बैठक शनिबार बस्ने
