३ असार २०८१, सोमबार
मुख्‍य समाचार

कैलाश सिरोहिया तीन दिन हिरासतमै रहने

९ जेठ, काठमाडौं ।जिल्ला अदालत धनुषाले कान्तिपुर मिडिया ग्रुपका अध्यक्ष कैलाश सिरोहियामाथि अनुसन्धानका लागि भन्दै तीन दिन हिरासतमा राख्न अनुमति दिएको छ ।

नागरिकता किर्ते कसुरमा पक्राउ परेका सिरोहियामाथि अनुसन्धान गर्न तीन दिन थुनामा राख्न अनुमति दिएको जिल्ला अदालत धनुषाले जनाएको छ ।

बुधबार न्यायाधीश चुडामणि खड्काको इजलासले बुधबार दुवै पक्षको बहस सुनेपछि तीन दिन थुनामा राख्न अनुमति दिएको हो ।

यसअघि जिल्ला सरकारी वकिलको कार्यालयले भने अनुसन्धानको लागि पाँच दिन म्याद थप गर्न अदालतसँग माग गरेको थियो ।

सिरोहियालाई प्रहरीले मंगलबार कान्तिपुर मिडिया ग्रुपको मुख्यालयबाटै पक्राउ गरेर धनुषा लगेको थियो ।

प्रतिक्रिया दिनुहोस्