३० वैशाख, काठमाडौं। उदयपुरको चौदण्डीगढी नगरपालिका–५ सिवाई र बेल्हा जोड्ने सडक त्रियुगा नदीमा आएको बाढीले बगाएको छ ।
आइतबार भारी वर्षाका कारण नदीमा आएको बाढीले सडक बगाएको चौदण्डी नगरपालिका- ५का वडाध्यक्ष तुलसीराम ढकालले बताए ।
उनले भने, ‘आज उदयपुरमा भारी वर्षा भयो। यही वर्षाले त्रियुगा नदीमा आएको बाढीले नदी वारपार गर्न बनाइएको सडक बगायो । सडकमा राखिएको १५ वटा ह्युमपाइप पनि बगायो।’
उनका अनुसार बाढीले सडक बगाएपछि सिवाई,सुन्दरपुर र बेल्हाका स्थानीयहरू वारपार गर्न थप समस्यामा परेका छन् । स्थानीयहरू दैनिक जाने बेल्टार बजार आउजाउ गर्न थप कठिनाइ हुने उनको भनाइ छ । स्थानीयहरू ज्यान जोखिममा राखेर वारपार गरिरहेको उनले बताए ।
२ वर्षअघि यही ठाउँमा निर्माण सकिनै लागेको पक्की पुल त्रियुगाको बाढीले बगाएको थियो । उक्त बगाएको पुल बनाउन उदयपुरका जनप्रतिनिधिसहितको टोलीले सिंहदरवार आएर पटक-पटक माग गरेपनि अहिलेसम्म कुनै सुनुवाइ भएको छैन ।
थप समाचारहरु
मेलम्ची खानेपानी मुहान जाने सडक बाढीले अवरुद्ध
२९ घर पूर्णरूपमा ध्वस्त,सडक अवरुद्ध हुँदा माथिल्लो मुस्ताङ चल्ने यातायात ठप्प
बाढीले क्षति पुर्याएको कागबेनीको पुनःनिर्माण थालियो
अढाइ सय वर्ष पुरानो थारूको ऐतिहासिक मन्दिर थान पोखरी, बजेट अभावमा जीर्ण
बाढी, पहिरो र डुबानमा पुरिएर देशभर १४ जनाको मृत्यु
बाढी, पहिरोपछिको पुनःनिर्माणका काम छिट्टै अघि बढ्छ : प्रधानमन्त्री
