३० वैशाख, काठमाडौं । अमेरिकी राष्ट्रपति जो बाइडेनले हमासले बन्धक रिहा गरेको भोलीपल्टै इजरायल र प्यालेस्टाइनबीचको युद्धविराम हुने बताएका छन् ।
सियाटलमा आयोजित एक कार्यक्रमलाई सम्बोधन गर्दै राष्ट्रपति बाइडेनले हमासले बन्धकहरु रिहा गर्ने र युद्धविराम लागू गर्ने कुरा प्यालेस्टाइनको हातमा रहेको बताए ।
अमेरिका पनि युद्धविरामको पक्षमा रहेको उल्लेख गर्दै रफाहमा इजरायलको गरको आक्रमणको विरोध बाइडेनले गरे । बाइडेनले बुधबार पनि रफाहमा इजरायलले गरेको कारबाहीको विरोध गर्दै सरकारले तोपखाना र अन्य हतियारको आपूर्ति बन्द गर्ने चेतावनी दिएका थिए ।
हमास र इजरायल अहिलेसम्म युद्धविराम सम्झौतामा पुग्न असफल भएका छन् । हमासका आतंककारीहरूले गत वर्ष अक्टोबर ७ मा इजरायलमा स्थल र हवाई हमला गरेका थिए । यस हमलामा ११७० भन्दा बढी मानिस मारिएका थिए । त्यतिबेला २५० जनालाई अपहरण गरी गाजा पट्टी लगिएको थियो ।
त्यसयता तीमध्ये आधा बन्धक अझै हमासको नियन्त्रणमा छन् । उक्त नियन्त्रणमा नेपालका विपीन जोशी पनि रहेको र उनको पनि अहिलेसम्म कुनै सूचना बाहिर आएको छैन । इजरायलको जवाफी हमलामा गाजामा ३४ हजारभन्दा बढी मानिसको मृत्यु भएको छ ।
थप समाचारहरु
अमेरिकालाई सीमानामा सैन्य बल खडा नगर्न सिरिया-इरानको चेतावनी
हमासको हवाइ आक्रमणको कमाण्डर मारिएको इजरायलको दाबी
अमेरिकी राष्ट्रपति निर्वाचनमा ट्रम्प र बाइडेनको भिडन्त पक्का
राष्ट्रपतिको दौडबाट बाहिरिएपछि बाइडेनद्वारा राष्ट्रका नाममा सम्बोधन
हमासका नेताको इजरायली हिरासतमा मृत्यु
नेपालमा लोन ल्याण्ड गर्ने प्रणाली नै छैन् : प्रवेश रिजाल, क्रस रिभर बैंक न्यूयोर्क, अमेरिका
