२७ वैशाख, काठमाडौं । लागुऔषध कारोबारी पक्राउ गर्न बाँकेमा प्रहरीले गोली चलाएको छ ।
विशेष सूचनाका आधारमा लागुऔषध नियन्त्रण ब्यूरोबाट खटिएको टोलीले गोली चलाएको जिल्ला प्रहरी कार्यालय बाँकेका डीएसपी नारायण डाँगीले जानकारी दिए ।
डीएसपी डाँगीका अनुसार कोहलपुर नगरपालिका-१२ चप्पलगौडी बस्ने २६ वर्षीय सुशील परियारलाई गोली प्रहार गरी पक्राउ गरिएको हो ।
उनले परियारको तिग्रामा गोली लागेको र उपचारको लागि भेरी अस्पतालमा पठाइएको छ ।
पक्राउ परेका उनको साथबाट ११४.२५ ग्राम खैरो हिरोइन बरामद गरेको छ । त्यसैगरी सोही ठाउँका २७ वर्षीय प्रमोद कार्की पनि पक्राउ परेका छन् ।
