उदयपुरको रौतामाइमा आगलागी, ५० लाखको क्षति

१४ वैशाख, गाईघाट । उदयपुर जिल्लाको रौतामाई गाउँपालिका–७ मा आगलागी हुँदा दुई घर जलेका छन् भने रु ५० लाख बराबरको क्षति भएको छ ।

जिल्ला प्रहरी कार्यलय उदयपुरका अनुसार बिहीबार अपराह्न स्थानीय खड्गबहादुर कटुवालको घरमा विद्युत् सर्ट भई आगलागी हुँदा उनका छोरा रमेशको घरमा समेत आगो सल्किएको थियो ।

आगलागीबाट घरभित्रको लत्ताकपडा र नगदसहित रु ३० लाख र छोरा रमेशको घरमा रु २० लाख बराबरको क्षति भएको प्रहरीले जनाएको छ ।

आगलागीको सूचना प्राप्त हुनासाथ प्रहरी र स्थानीयले रौतामाई गाउँपालिकाको दमकल प्रयोग गरेर आगो निभाएका थिए ।

थप समाचारहरु

इनरुवा बजारमा आगलागीहुँदा ५० लाखभन्दा बढीको क्षति ललितपुरको मेटल उद्योगमा आगलागी, जलेको अवस्थामा पुरुषको शव भेटियो अढाइ सय वर्ष पुरानो थारूको ऐतिहासिक मन्दिर थान पोखरी, बजेट अभावमा जीर्ण जङ्गलमा लागेको डढेलो बस्तीमा फैलिँदा पाँच घर जले महोत्तरी मटिहानीको आगलागी ६ घण्टापछि नियन्त्रणमा, १२५ घर जले काभ्रेमा ‘आगो’को वितण्डा, बस्ती जोखिम