यूएईको बाढीमा एक नेपालीको मृत्यु

६ वैशाख, काठमाडौं । युनाइटेड अरब इमिरेट्स (यूएई) मा आएको बाढीमा परी एक जना नेपाली श्रमिकको मृत्यु भएको छ । आबुधाबीस्थित नेपाली दूतावासका अनुसार भरतपुरका मोहन पुनको बाढीमा परी मृत्यु भएको हो ।

यूएईको शारजाहबाट अजमान जाने बाटो रहेको पुल नजिक उनी बाढीमा परेको दूतावासले जनाएको छ । उनी सोही स्थानमा रहेको वेल क्याफे रेस्टुरेन्टमा काम गर्ने गरेको जानकारीमा आएको दूतावासले जनाएको छ ।

यूएईमा दुई दिनदेखी परेको वर्षाका कारण बाढी आइरहेको छ । बाढीका कारण यूएईका सरकारी कार्यलय बन्द रहेको दूतावासले जानकारी दिएको छ ।

सरकारी कार्यलय बन्द भएका कारण मृतकको विषयमा थप जानकारी लिन नसकिएको दूतावासले जनाएको छ । पुन भिजिट भिसामा यूएई पुगेको दूतावासले जनाएको छ ।

थप समाचारहरु

बाढीले क्षति पुर्‍याएको कागबेनीको पुनःनिर्माण थालियो मेलम्चीमा आएको बाढीले अस्थायी पुल बगायो बाढी, पहिरो र डुबानमा पुरिएर देशभर १४ जनाको मृत्यु बाढी, पहिरो लगायतका विपद्मा परी हालसम्म १६८ जनाको मृत्यु बाढी, पहिरो लगायतका विपद्मा परी हालसम्म १७४ जनाको मृत्यु बाढी, पहिरोपछिको पुनःनिर्माणका काम छिट्टै अघि बढ्छ : प्रधानमन्त्री