२५ चैत, काठमाडौं । अवैध हतियार र मृगको छालासहित जिल्ला प्रहरी कार्यालय कास्कीले एक जनालाई पक्राउ गरेको छ ।
पक्राउ पर्नेमा पोखरा महानगरपालिका–२० भलामखोरका ४२ वर्षीय दीपेनद्र केसी छन् । उनले वन्यजन्तुको शिकार गर्ने गरेको र हतियार समेत घरमा लुकाएर राखेको भन्ने सूचनामा आधारमा खटिएको टोलीले शनिबार उनलाई घरबाटै पक्राउ गरेको थियो ।
उनको घरबाट अवैध रुपमा राखिएको २ नाले लङ रेन्ज मेड इन स्पेन लेखेको बन्दुक १ थान, त्यसमा लाग्ने खाली खोका टोटा १३ थान, भरी खोका टोटा १ थान, बारुद २० ग्राम, छर्रा बनाउन प्रयोग गरिने मेटल ७७६ ग्राम बरामद गरिएको कास्की प्रहरीका एसपी मोहनकुमार थापाले बताए ।
त्यसैगरी बारुद बनाउन प्रयोग गरिने विभिन्न धुलो, मृगको छाला र आलो मासु समेत बरामद गरिएको प्रहरीले जनाएको छ ।
पक्राउ परेका केसीविरुद्ध हातहतियार तथा खरखजनाको कसुरमा ७ दिनको म्याद लिएर अनुसन्धान अघि बढाइएको छ ।
थप समाचारहरु
सबै प्रदेशमा मानव अङ्ग प्रत्यारोपण उपकेन्द्र स्थापना गर्ने मन्त्री पौडेलको घोषणा
आगलागीमा परी १० लाख बढीको क्षति
प्रहरी कुट्ने चार युवा पक्राउ
पाँचवटा संसदीय समितिको बैठक बस्दै, यस्ता छन् कार्यसूची
आर्थिक सुधारलाई उच्च महत्व : अर्थमन्त्री पौडेल
मौसम पूर्वानुमान : चार प्रदेशमा अत्यधिक वर्षा हुने सम्भावना
