५ चैत, काठमाडौं । नेपाली कांग्रेसले गृहमन्त्री रवि लामिछाने मुछिएको सहकारी संस्थामा भएको अनियमितताको निष्पक्ष छानबिन गर्न माग गरेको छ । संसदको सोमबार बसेको बैठकमा विशेष समय लिएर बोल्दै कांग्रेस महामन्त्री गगन कुमार थापाले निष्पक्ष अनुसन्धान हुनेमा शंका लागेको बताए ।
‘जीबी राई लगायतको ग्रुप जुन छ, जसमा दीपेश पुन अहिले पक्राउ परेर बुटवल लिएर गइएको छ । यो समूहले अर्बौं रुपैयाँ अपचलन गरेको छ र त्यसमध्येको सबैभन्दा धेरै ठूलो पैसा गोर्खा मिडिया, यही ग्यालेक्सी टेलिभिजनमा गएको छ । मैले थाहा पाएसम्म अरु थुप्रै शक्तिशाली नेताहरुको पनि नाम आउँछ यदि राम्रोसँग अनुसन्धान गरियो भने ।’
उनले भने, ‘तर अनुसन्धान नियमित ढंगले अहिलेको प्रहरी प्रशासनले गर्न सक्छ भन्ने विश्वास हामीले कसरी पत्याउने ?’
उनले जुनसुकै पार्टीको छायाँमुनि बसेको भए पनि ठुलो पदमा भए पनि कसैलाई कारबाही गर्न छाड्न नमिल्ने बताए । उनले भने, ‘चाहे रूखको छहारीमुनि बसेको होस्, चाहे त्यो घाम तापेर बसेको होस्। जोसुकै पदमा भए पनि कारबाहीको दायरामा ल्याउने की नल्याउने ? यो संसदको पनि विवेको पनि प्रश्न हो सभामुख महोदय ।’
थप समाचारहरु
सबै प्रदेशमा मानव अङ्ग प्रत्यारोपण उपकेन्द्र स्थापना गर्ने मन्त्री पौडेलको घोषणा
नेपाल विश्वविद्यालयको कुलपतिमा डा.लोहनी चयन
एकीकृत समाजवादीः गण्डकी प्रदेशको अधिवेशन पोखरामा
प्रतिनिधिसभाको बैठकमा प्रतिपक्षीको विरोध
भूकम्पको शिर्षकमा बजेट छुट्याउन माओवादीको आग्रह
रवीन्द्र मिश्रलाई हाजिरी जमानीमा छोड्न सर्वोच्चको आदेश
