११ फागुन, काठमाडौं । आजदेखि मौसममा क्रमिक सुधार हुने जल तथा मौसम विज्ञान विभागको मौसम पूर्वानुमान महाशाखाले जनाएको छ ।
महाशाखाका अनुसार अहिले कोशी प्रदेशलगायत देशका पहाडी भू–भागमा आंशिक बदली मात्र छ । बाँकी भागमा भने मौसम सफा छ ।
महाशाखाका वरिष्ठ मौसमविद मिन कुमार अर्यालले भने, ‘अहिले धेरैजसो ठाउँमा मौसम सफा छ । दिउँसो चाहिँ गण्डकी र कोशीका पहाडी क्षेत्रमा आंशिक तथा साधारण बदली हुन्छ । बाँकी तिर सफा हुन्छ ।’
पश्चिमी वायुको प्रभावले गत आइतबारदेखि पश्चिम नेपालबाट वर्षा र हिमपात सुरु भएको थियो । यो पूर्वतिर सर्ने क्रममा विहीबार काठमाडौं उपत्यकामा समेत वर्षा भएको थियो ।
आज बिहानदेखि भने काठमाडौं घाम लागेको छ । बिहीबार साँझ हल्का वर्षा भएकाले काठमाडौंसहित देशका विभिन्न स्थानमा तुवाँलो हटेर मौसम सफा देखिएको छ ।
बिहीबार काठमाडौंमा ३.६ मिलिमिटर वर्षा भएको थियो । पोखरामा ७.५, घोराहीमा ५.८, दिपायल र डडेलधुरामा समान ३/३ मिलिमिटर वर्षा भएको थियो ।
महाशाखाका अनुसार अब गर्मी बढ्ने छ । तापक्रम बढेसँगै स्थानीय वायुको प्रभावले हावाहुरी चल्ने र चट्याङ सुरु हुने छ ।
थप समाचारहरु
कोशी र मधेशसँगै काठमाडौंमा पनि पानी पर्यो
मौसम अझै ३ दिन बदली हुने, पश्चिमी भेगमा वर्षाको सम्भावना
काठमाडौंका संस्थागत विद्यालयले नेपालीमा नाम नराखे भर्ना रोक्का
कोशी, गण्डकी, लुम्बनी र सुदूरपश्चिममा हावाहुरीको सम्भावना
आजको मौसम : पहाडी र तराई क्षेत्रका केही स्थानमा वर्षा हुने
आज चार प्रदेशका केही स्थानमा भारी वर्षा हुने
