बाक्लो हुस्सुले तराईका विमानस्थलमा उडान प्रभावित

१४ पुस, काठमाडौँ । प्रतिकूल मौसमका कारण भैरहवासहित तराईका चार विमानस्थलको उडान प्रभावित भएको छ ।

तराई क्षेत्रमा लागेको बाक्लो हुस्सुका कारण ‘भिजिबिलिटी’ कमजोर हुदाँ त्यस क्षेत्रको हवाई उडान प्रभावित भएको त्रिभुवन अन्तरराष्ट्रिय विमानस्थल कार्यालयले जनाएको छ ।

विमानस्थलका प्रवक्ता सुवास झाले बाक्लो हुस्सु/कुहिरोका कारण तराईका विमानस्थलहरु सिमरा, जनकपुर, भरतपुर र भैरहवाको उडान प्रभावित भएको हो । ती चार विमानस्थलमा आज पनि कुनै उडान भएनन् ।

भैरहवा विमानस्थलमा हिजो शुक्रबार पनि कुनै आन्तरिक उडान भएन । शुक्रबार नै प्रतिकूल मौसमका कारण धेरैजसो विमान कम्पनीले निर्धारित उडान रद्द गरेका थिए । विशेषगरी हिउँदमा तराईका विमानस्थलमा बाक्लो हुस्सु लाग्नाले आन्तरिक उडान प्रभावित हुने गरेको छ ।

थप समाचारहरु

विमानस्थलबाट यसरी बरामद भएको थियो १४ किलो सुन(भिडियोसहित) विमानस्थलमा सुन आउँदैछ भन्ने सूचना केही दिन पहिल्यै थियो : भन्सार प्रमुख त्रिभुवन अन्तर्राष्ट्रिय विमानस्थलको भन्सारमा सशस्त्र प्रहरी परिचालन विमानस्थलमा लामो समयदेखि खटिएका ५४ प्रहरी एकसाथ हटाइए त्रिभुवन विमानस्थलबाट कपडामा लेपन गरिएको सुन बरामद २ अर्बको सरकारी परियोजना मुद्दामा यूटीएल हार्‍यो, रिट खारेज