११ असोज, काठमाडौं । त्रिभुवन विश्वविद्यालयका उपप्रध्यापक प्रेम चलाउनेमाथि भएको आक्रमणमा संलग्न एक फरार आरोपी पक्राउ परेका छन् ।
२० असोज २०७७ मा विश्वविद्यालय परिसरमा भएको कुटपिटमा संलग्न मध्ये सयुस श्रेष्ठलाई जिल्ला प्रहरी परिसर, काठमाडौंको टोलीले पक्राउ गरेको हो ।
काठमाडौं प्रहरीका एक अधिकृतका अनुसार, कुटपिटमा संलग्न ५ जना ससअघि नै पक्राउ गरेर धरौटीमा छुटेका थिए ।
जिल्ला अदालत, काठमाडौंको आदेशमा चित्त नबुझेपछि उपप्राध्यापक चलाउने उच्च अदालत गएका थिए । त्यहाँबाट ५ लाख धरौटी र एक लाख रुपैयाँ क्षतिपूर्ति भराउने आदेश भएको थियो ।
प्रकरणमा थप एक जनाको अझै खोजी भइरहेको प्रहरीले जनाएको छ । प्रकरणका सबै आरोपी समेत पक्राउ नपरेका बेला यसका मुख्य आरोपी हरि आचार्य, योगेन्द्र रावल लगायतविरुद्ध मुद्दा फिर्ता लिने तयारी सरकारले गरेको थियो । उपप्राध्यापक चलाउने न्याय माग्दै अनशन समेत बसेका थिए ।
आचार्य, रावल लगायत आरोपी नेपाल विद्यार्थी संघसँग आबद्ध छन् । त्यसैले बालकृष्ण खाँण गृहमन्त्री भएका बेला यो प्रस्ताव अघि बढेको थियो । चलाउनेमाथि आक्रमण गर्नेविरुद्धको मुद्दा जिल्ला अदालत, काठमाडौंमा विचाराधीन छ ।
थप समाचारहरु
कृष्णबहादुर महारालाई काठमाडौं ल्याइयो
बालिका बलात्कार आरोपमा प्रधानाध्यापक पक्राउ
जुवातास खेलिरहेको अवस्थामा विभिन्न स्थानबाट ९० जना पक्राउ
नवलपरासी पश्चिममा सुन व्यवसायी विश्वकर्मामाथि गोली प्रहार
सुन तस्करीमा मुछिएका कलेज सञ्चालक गुरुङ पक्राउ
उपप्राध्यापक प्रेम चलाउनेलाई आक्रमण गर्ने एक जना पक्राउ
