५ असार २०८१, बुधबार
राजनीति

‘सभापति ज्यू, सरकार फेरिने बजार हल्ला व्यापक छ’

३ साउन, काठमाडौं । नेपाली कांग्रेसको केन्द्रीय समिति बैठकमा वर्तमान सरकार परिवर्तन हुने चिन्ता व्यक्त गरिएको छ । केन्द्रीय सदस्य सीतादेवी देवकोटाले सरकार फेरिने हल्ला व्यापक सुनेको सभापति शेरबहादुर देउवालाई सुनाइन् ।

‘लाइभमा भन्न हुन्थ्यो/हुन्थेन, थाहा छैन । सरकार फेरिने हल्ला पनि बजारमा छ । खेल सामान्य छैन । कि नेपाली कांग्रेस सकाउने कि माओवादी सकाउने खेल छ’, देवकोटाले भनिन् । भ्रष्टचारीलाई कारबाही गरेको कारणले माओवादीले कांग्रेसलाई छोड्नसक्ने चर्चा बजारमा रहेको उनले सुनाइन् ।

सभापतिलाई कमजोर बनाएर पार्टी बलियो नहुने तर्क उनले बैठकमा राखिन् । ‘सभापति व्यक्ति होइन, संस्था हो । सभापतिलाई गालि गर्ने छुट कसैलाई छैन । सभापतिलाई कमजोर बनाउँदा पार्टी कमजोर हुनसक्छ,’ देवकोटाले भनिन् ।

प्रतिक्रिया दिनुहोस्