‘एमाले हार्छ भने आफ्नै कारणले हार्छ, अरू कसैले हराउन सक्दैन’

भक्तपुर । सूचना तथा सञ्चार प्रविधि मन्त्री पृथ्वीसुब्बा गुरुङले नेकपा एमाले विचार र दृष्टिकोणमा सबैभन्दा अब्बल पार्टी भएको दाबी गरेका छन् ।
नेकपा एमाले वाग्मती प्रदेश प्रचार तथा प्रकाशन विभागले बिहीबारबाट भक्तपुरमा आयोजना गरेको प्रचार कार्यशालामा बोल्दै एमाले उपमहासचिव समेत रहेका गुरुङले एमाले जस्तो उत्कृष्ट विचार र दृष्टिकोण भएका पार्टी नेपालमा अरू कुनै नभएका दाबी गरे ।

विचार, दृष्टिकोण, नेतृत्व सबै सही हुँदाहुँदै पनि पार्टी किन सोचेजस्तो बलियो हुन सकेको छैन भन्ने विषयमा गम्भीर समीक्षा गर्नुपर्ने उनले बताए ।
उनले भने, ‘हाम्रो कार्यशैलीमा सुधार हुन आवश्यक छ, हाम्रो आचरणमा सुधार हुन आवश्यक छ । गिद्धले नवजीवनको लागि पुरानो ठुँडो भाँचे जस्तै एमालेलाई सुदृढ बनाउन शुद्धीकरणको अभियान चलाउनुपर्छ, एमाले हार्छ भने आफ्नै कारणले हार्छ, अरू कसैले हराउन सक्दैन ।’

पार्टीभित्र दक्षिणपन्थी अवसरवाद मौलाउँदै गएको बताउँदै गुरुङले त्यसलाई पराजित गर्न नसकेसम्म पार्टी सबल हुन नसक्ने स्पष्ट पारे । आफूले टिकट पाउँदा ठिक, नपाउँदा सबै बेठिक हुने आत्म केन्द्रित विचार बोक्ने नेता कार्यकर्ताले पार्टी समाप्त हुने उनले सुनाए ।

एमाले नेता कार्यकर्तामा बिस्तारै गलत काम गर्नेहरूको भाइरस सर्दै गएको उनले बताए । त्यसले पार्टीलाई कमजोर बनाउँदै लगेको गुरुङको भनाइ छ ।

थप समाचारहरु

‘१८ महिनापछि देउवा प्रधानमन्त्री, ०८४ सम्म यही समीकरण टिक्छ’ स्वास्थ्य सेवा ऐन ल्याउने तयारी रवि लामिछानेलाई आज म्याद थपका लागि अदालतमा पेश गरिँदै काठमाडौं उपत्यकको फोहोर व्यवस्थापनमा राजनीति नगरौं : मन्त्री सिंह पिजीको विवाद मिलाउन प्रधानमन्त्रीको निर्देशन नेपालले शान्ति स्थापनामा हासिल गरेको उपलब्धि अनुकरणीय छः सभामुख