विनियोजन विधेयकका सिद्धान्त र प्राथमिकतामा छलफल जारी

काठमाडौँ, ३१ वैशाख । प्रतिनिधिसभाको बैठकमा आर्थिक वर्ष २०८२र८३ का लागि विनियोजन विधेयकका सिद्धान्त र प्राथमिकता सम्बन्धमा कर प्रस्ताव बाहेक माथि छलफल जारी छ ।

 

 

बैठकमा सांसद अच्युतप्रसाद मैनाली कृषिलाई रोजगारमुखी र व्यावसायिक बनाउनुपर्ने र लक्षित वर्गसम्म नयाँ ढङ्गबाट उत्पादनमा आधारित सहुलियत दिनुपर्ने सुझाव राखे।

 

सांसद पूर्णकुमार घर्तीमगरले बजेटसम्बन्धी नीति तथा कार्यक्रम नै राष्ट्रको एउटा सिद्धान्त भएको र खर्च गर्न सकिने खालको बजेट ल्याउनुपर्नेमा सुझाव राखे ।

 

सांसद अशोककुमार चौधरीले बजेटमाथिको छलफल औपचारिकता मात्र नभएर न्यायोचित, सन्तुलित र दिगो विकासमा केन्द्रित हुनुपर्ने बताए ।

 

सांसद उदय शम्शेर जबराले पर्यटन क्षेत्रमा हवाई टिकटमा १३ प्रतिशत भ्याट लगाएकाले र टिकट महँङ्गो भयो भने पर्यटक नेपाल आउन कठिने हुनेप्रति सरकारको ध्यानाकर्षण गराए ।

 

सांसद प्रतिक्षा तिवारीले देशको समग्र विकासका लागि सङ्घ, प्रदेश र स्थानीय तहमा सन्तुलित विकास गर्न आवश्यक रहेको र मुुलुकको आर्थिक समृद्धि गर्ने खालको हुनुपर्नेमा सुझाव दिए ।

 

सांसद सुशीला श्रीपाली थकालीले कृषिमा लगानी दशक र वैज्ञानिक तालमेल हुनुपर्ने र अर्थतन्त्रलाई बलियो बनाउने विषयमा ध्यान दिनुपर्नेमा जोड दिँदै योजना बनाउँदा बजेटले धान्न सक्ने खालको बनाउनुपर्ने बताए ।

 

सांसद लक्ष्मी तिवारीले नीतिहरू धेरै भए पनि महिलामैत्री बजेटमा नभएको र अर्थतन्त्र सुधार गर्नका लागि महिलाको महत्त्वपूर्ण भूमिका रहेकाले त्यसतर्फ ध्यान दिनुपर्नेमा जोड दिए ।

 

सांसद सरस्वती बजीमायाले नेपालमा धेरै नदीनाला हुँदाहुँदै पनि विद्युत् उत्पादन पर्याप्त मात्रामा गर्न नसकेको र मुलुकको अर्थतन्त्रलाई बलियो बनाउन विद्युत् उत्पादन वृद्धि गर्नुपर्नेमा जोड दिए ।

 

सांसद ऋषिकेश पोखरलले राजस्व बढाउने क्षेत्रमा बढी ध्यान दिनुपर्ने र मुलुकको आर्थिक समृद्धिमा बजेट, नीति तथा कार्यक्रम हुनुपर्ने सुझाव दिए ।

 

 

सांसस उर्मिला माझीले विकास निर्माणका कामहरूमा निर्माण व्यवसायीले ढिलोमा टेन्डर लिने कामको अन्त्य गर्नुपर्ने र काम गर्न सकिने खालका बजेटहरू निर्माण गर्नुपर्नेमा जोड दिए ।

 

सांसद गणेश पराजुलीले नवीतम सोच र समृद्धिका लागि सिद्धान्त र प्राथमिकता तय गर्नुपर्ने र त्यसलाई कार्यान्वयनमा ध्यान दिनुपर्नेमा बताए ।

 

सांसद कुसुमदेवी थापाले कृषि, पर्यटन, उद्योगलाई ध्यान दिएर युवालाई स्वदेशमै रोजगार दिने खालका कार्यक्रम ल्याउनुपर्नेमा जोड दिए ।

 

सांसद हेमराज राईले आर्थिक विकासका लागि समग्र स्रोत तथा साधनको समुचित विकास र दिगो विकासका लागि बजेट बनाउनुपर्ने सुझाव दिए ।