सुनकोशीको बाढीले क्षति पु¥याएको झोलुङ्गे पुल आउने वर्षा अगाडि नै बन्ने

रामेछाप । गत असोज महिनामा सुनकोशी नदीमा आएको बाढीले क्षति पु¥याएको पुछिघाटनको झोलुङ्गे पुल आउने वर्षा अघि नै बन्ने बन्ने भएको छ ।

असोज महिनामा आएको भीषण बाढीले खाँडादेवी गाउँपालिका–४ को पुछिघाटमा रहेको झोलुङ्गे पुलमा क्षति पु¥याएको थियो । पुलमा क्षति पुग्दा स्थानीयलाई नदी वारपार गर्न निक्कै समस्या भएको छ ।

पुछिघाटका स्थानीयको खेती सुनकोशी पारी सिन्धुलीको घुमाउने चैनपुर लगायतका क्षेत्रमा भएको, विद्यार्थीहरू पढ्नको लागि नदी तरेर पारी नै जानु पर्ने तथा बिपी मार्गमा जानको लागि पनि नदी तर्नु पर्ने भएको कारण पुलमा क्षति पुग्दा जोखिमपूर्ण रूपमा वारपार गरिरहेका छन् ।

स्थानीयले पुल मर्मत नहुँदा जीवन नै जोखिममा परेको गुनासो गरेपछि वाग्मती प्रदेश सभा उद्योग पर्यटन तथा वातावरण समिति सभापति आनन्द श्रेष्ठ प्राविधिक सहित लिएर पुछिघाट पुगेका थिए । प्राविधिकले तत्काल पुल मर्मतको लागि सर्वेक्षण गरेपछि पुल मर्मतको काम अघि बढ्ने भएको छ । ‘केही दिनमा नै काम सुरु हुन्छ, आउने वर्षा अगाडि नै सहज रूपमा आवागमन गर्न मिल्ने गरी पुल बन्छ’, श्रेष्ठले भने ।

सो पुल मर्मतका लागि खाँडादेवी गाउँपालिकाले पहिलो चरणमा रकम बेहोर्ने भएको छ । थप रकम आवश्यक परे त्यसको पनि व्यवस्थापन गरिने श्रेष्ठले बताए ।

यसै गरी सोही दिनको बाढीले क्षति पु¥याएको खाँडादेवी गाउँपालिका–१ बेघारीको झोलुङ्गे पुल मर्मतको लागि पनि आवश्यक पहल भइरहेको उनले बताए । बाढीले सो पुलमा राखिएका स्ल्याप बगाएको छ । ‘सोही नदीले सित्खामा बगाएको झोलुङ्गे पुलको बाँकी रहेका स्ल्यापहरु राखेर पनि मर्मत गर्न सकिन्छ कि भनेर अध्ययन भइरहेको छ, चाँडै प्राविधिक लगेर सो काम पनि अघि बढ्छ’, उनले भने ।

थप समाचारहरु

अन्नपूर्ण क्षेत्रलाई केन्द्रविन्दू बनाएर भूकम्प प्रादेशिक र स्थानीय सडक सुधार परियोजना समयमै सम्पन्न गर्नुपर्ने मेडिकल कलेज तथा सरकारी अस्पताललाई शुल्क विवरण सार्वजनिक गर्न स्वास्थ्य मन्त्रालयको परिपत्र, ‘१८ महिनापछि देउवा प्रधानमन्त्री, ०८४ सम्म यही समीकरण टिक्छ’ स्वास्थ्य सेवा ऐन ल्याउने तयारी कृषि विकास बैंकले किसानलाई केन्द्रमा राखेर काम गर्नुपर्छ : उपप्रधान तथा मन्त्री सिंह