१९ असोज, काठमाडौं । विद्यालय शिक्षा विधेयकमाथि प्रतिनिधि सभामा छलफल सुरु भएको छ ।
शुक्रबार भएको सैद्धान्तिक छलफलमा भाग लिँदै एमाले सांसद रघुजी पन्तले विद्यालय शिक्षा सम्पूर्ण रुपमा स्थानीय सरकारलाई छाड्न खोजेको भए त्यही अनुसार अगाडि बढ्न सरकारलाई सुझाएका छन् ।
संघीय संरचनामा विद्यालयको शिक्षा स्थानीय तहलाई सम्पूण रुपमा सुम्पेको हो भने त्यही ढंगले जानुपर्यो । त्यस विपरीतका कुराहरुलाई सामना गरेर जानुपरयो’ पन्तले भने, ‘संविधानसँग बाझिने र ठाउँ ठाउँमा सम्झौता गर्दै जाने गर्दा शिक्षा क्षेत्रमा सुधार गर्न जे खोजेको त्यो सम्भव हुँदैन ।’
प्रस्तुत विधेयकलाई संविधानसम्मत बनाउन आवश्यक रहेको उल्लेख गर्दै उनले शिक्षकहरुसँग सरकारले गरेको सम्झौताको पालना कहाँ र कसरी सम्बोधन हुन्छ भन्ने प्रष्ट पार्न आग्रह गरेका छन् ।
संसदमा आइसकेपछि संसदको विवेकका आधारमा विधेयक अगाडि उल्लेख गर्दै उनले सरकारले बाहिर गरेका सम्झौताहरुको कार्यान्वयनको सन्दर्भमा सरकारले के सोचिरहेको छ भनी प्रश्न गरेका छन् ।
थप समाचारहरु
ठूला दुई दलको सहकार्यले टीआरसीलाई टुङग्याउँने विश्वास छ : देवी खड्का
विकास योजनाहरुको अनुगमनमा मन्त्री काफ्ले, समयमै काम सक्न निर्देशन
वार्षिक कार्ययोजना समयमै सम्पन्न गर्न मन्त्री गुप्ताको निर्देशन
कीर्तिपुर नगरका लागि माओवादी केन्द्रको प्रतिबद्धता पत्र सार्वजनिक
नहर मासेर ढल निर्माण गर्न खोज्दा दुई दिनदेखि लहान तनावग्रस्त
व्यवसाय र मानव अधिकार संरक्षणमा प्रदेश सरकार प्रतिबद्ध : मुख्यमन्त्री कार्की
