शेखरले बोलाएको बैठकमा विश्व प्रदीप सहभागी नहुने

२ असोज, काठमाडौं । नेपाली कांग्रेसका नेता डा.शेखर कोइरालाले बोलाएको छलफलमा महामन्त्री विश्वप्रकाश शर्मा र नेता प्रदीप पौडेल अनुपस्थित हुने भएका छन् ।

नेता कोइरालाले आज दिउँसो १:३० बजे बस्ने गरि आफ्नो समूहको बैठक डाकेका थिए । उक्त बैठकमा शर्मा र पौडेललाई पनि बोलाइएको थियो ।

कोइरालाले बोलाएको बैठकमा महामन्त्री शर्मा उपस्थित नहुने शर्मा निकट एक नेताले जानकारी दिए । ‘विश्व जी, शेखर दाइले बोलाएको बैठकमा जानुहुन्न् ।

शेखर दाइले बोलाएको बैठकमा नजानु भनेको देउवासँग नजिकिने भन्ने होइन,’ शर्मा निकट एक नेता भन्छन्, ‘उहाँ शेखर दाइले बोलाएको बैठकमा नजानु गगन थापासँग सम्बन्ध टाढा बनाउन पनि होइन ।’

उनका अनुसार नेता कोइरालाको कार्यशैलीप्रति शर्माका केही गुनासा भएकाले बैठकमा उपस्थित नहुने भएका हुन् ।

अर्का नेता प्रदीप पौडेल चीन भ्रमणमा जान लागेकाले बैठकमा सहभागी नभएका हुन् । कोइरालाको सम्पर्क कार्यालय बालुवाटारमा बैठक बोलाइएको छ ।

थप समाचारहरु

अशोक राई नेतृत्वको नयाँ दल दर्ता गर्ने निर्वाचन आयोगको निर्णय सुहाङले आज सांसद पदको शपथ ग्रहण गर्दै सत्ता सहकार्य गर्न कांग्रेस–एमालेबीच सहमति : ओली प्रधानमन्त्री बन्दै, कांग्रेसलाई गृहसहित १० मन्त्रालय कांग्रेस केन्द्रीय कार्यसम्पादन समितिको बैठक बुधबार सबै प्रदेशमा मानव अङ्ग प्रत्यारोपण उपकेन्द्र स्थापना गर्ने मन्त्री पौडेलको घोषणा परराष्ट्रमन्त्री राणा र स्पेनका प्रधानमन्त्रीबीच भेटवार्ता