१ असोज, काठमाडौं । चीनको हाङझावमा हुने १९औं एसियाली खेलकुदका लागि छनोट भएका डान्स स्पोर्ट्स खेलाडी दीपक लामाले डब्लुडीएसफ विश्व च्याम्पियनसिप प्रतिस्पर्धा गर्ने भएका छन् ।
सेप्टेम्बर २३ देखि २४ तारिखसम्म हुने विश्व च्याम्पियनसिपमा सहभागी हुन दीपक मंगलबार बेल्जियमको लुउभेन प्रस्थान गर्दै छन् । त्यहाँ दीपकले वान अन वान ब्रेकिङ स्पर्धामा प्रतिस्पर्धा गर्ने छन् ।
राष्ट्रिय खेलकुद परिषद्का सदस्यसचिव टंकलाल घिसिङले दीपकलाई उच्च मनोबलका साथ प्रदर्शन गरी देशको गौरव अभिबृद्धि गर्न सफलता मिलोस् भन्ने शुभकामना दिँदै बिदाइ गरे ।
नेपाललले पहिलो पटक एसियाडमा ब्रेकिङ डान्समा सहभागिता जनाउँदैछ ।
एसियाडमा ब्रेकिङ डान्स पनि समावेश भएपछि उत्साहित बनेका दीपकले पदक जित्ने लक्ष्यका साथ तयारी गरिरहेको बताएका छन् ।
