१ भदौ, काठमाडौं। नेकपा एमालेले पार्टीका कार्यक्रमहरुमा अग्रज तीन नेता बाहेक अध्यक्षको मात्र फोटो प्रयोग गर्न निर्देशन दिएको छ ।
केन्द्रीय कार्यालयले शुक्रबार पठाएको अन्तरपार्टी निर्देशन (अपानि) मा सार्वजनिक कार्यक्रममा फोटो प्रयोग, आसन ग्रहण र मञ्च व्यवस्थापनको विषय समेत उल्लेख छ । सार्वजनिक कार्यक्रममा विभिन्न तहका नेता कार्यकर्ताको अनावश्यक फोटो प्रयोग भएको भन्दै एमालेले अबदेखि पार्टी र जनसंगठन कार्यक्रममा तीन अग्रजका अतिरिक्त पार्टी अध्यक्ष बाहेक अन्य फोटो प्रयोग नगर्ने निर्णय भएको उल्लेख छ ।
एमालेले तीन अग्रज संस्थापक महासचिव पुष्पलाल, जननेता मदन भण्डारी र पूर्व अध्यक्ष मनमोहन अधिकारीको फोटो प्रयोग गर्ने गरेको छ । अब उनीहरु बाहेक अध्यक्ष केपी ओलीको मात्र फोटो प्रयोग हुनेछ ।
एमालेले कार्यक्रममा मञ्च वक्तामा मात्र प्रयोग गर्ने गरी अतिथि र वक्ताहरुलाई दर्शकदीर्घामै राख्न र आसन ग्रहण गर्ने परम्परा अन्त्य गर्ने निर्णय गरेको छ ।
व्याच, माला, खादाको अनावश्यक प्रयोग नगर्न र भड्किलो नबनाउन समेत अपानिमा निर्देशित गरिएको छ ।
एमालेले चुनावका बेला बागी विद्रोही भई कारबाहीमा परेका नेताहरुले आत्मालोचना गरे सदस्यता नवीकरण गर्ने समेत निर्णय गरेको छ । ‘अन्तरघात गर्ने र पार्टी विरोधी गतिविधिमा संलग्नहरुलाई भने सम्बन्धित कमिटीले कारबाहीको दायरामा ल्याउने छ’ अपानिमा भनिएको छ ।
थप समाचारहरु
एमाले संसदीय दलको बैठक बस्दै, संसद अवरोध खुलाउनेबारे छलफल हुने
संसदमा कांग्रेसको बकबास सुनिरहन तयार छैनौं : केपी ओली
मधेशमा एमालेबाट विजेता र उसाले गरिन् मनोनयन दर्ता
सुदूरपश्चिममा मुख्यमन्त्रीमा दाबी पेस गर्ने समय सकिंदै, केन्द्रको निर्णय कुर्दै एमाले
देउवाले ओलीलाई सोधे : मदन भण्डारीको हत्यारा किन पत्ता लागेन ?
कांग्रेसको माग कानुनसम्मत छैन : एमाले सचेतक बर्तौला
