२३ मङ्सिर, बकैया । मकवानपुरको बकैया गाउँपालिकामा जारी क्लबस्तरीय फुटबल प्रतियोगिता अन्तर्गत आयोजक जनता एकता क्लब फाइनलमा प्रवेश गरेको छ ।
शनिबार वडा नम्बर–५ स्थित कर्माचुलीमा भएको दोस्रो सेमिफाइनलमा सर्लाहीको बागमती युवा क्लबलाई टाइब्रेकरमा ३–२ गोलले हराउँदै आयोजक फाइनलमा प्रवेश गरेको हो ।
खेलको म्यान अफ द म्याच आयोजक जन एकताका गोलरक्षक सुजन बल घोषित भए ।
जितसँगै आयोजकले बकैया खेलकुद विकास समितिसँगको भेट पक्का गरेको छ । यसअघि शुक्रबार भएको पहिलो सेमिफाइनल खेलमा युग परिवर्तन बागमती गाउँपालिकालाई १–० गोलले हराउँदै बकैया फाइनलमा प्रवेश गरिसकेको छ । फाइनल खेल आइतबार दिउँसो १ बजे सुरु हुने क्लबका अध्यक्ष कृष्ण घतानीले बताउनुभयो । प्रतियोगिताको विजेता टिमले १ लाख ११ हजार १ सय रुपैयाँसहित शिल्ड, मेडल तथा प्रमाणपत्र प्राप्त गर्नेछन् भने उपविजेताले ५५ हजार ५ सय ५५ रुपैयाँ प्राप्त गर्नेछन् ।
थप समाचारहरु
महिला यू–१९ क्रिकेट टोलीलाई मन्त्रीले गरे विदाई
नेपाल र चीनको युवा टोलीबीचको मैत्रीपूर्ण फुटबलको तयारी पूरा
सातौं बागमती गोल्डकपमा आज एपीएफ र हानामी भिड्दै
ह्विलचियर बास्केटबलको सेमिफाइनल समीकरण पूरा
नयाँ प्रशिक्षकसहित नेपाली राष्ट्रिय पुरुष फुटबल टोलीको बिदाई
नेपाल खेलकुद् र पर्यटनको उर्वर भूमि हो : राष्ट्रपति
