एनपिएलमा बेटिङ गरेको आरोपमा चार जना पक्राउ

कीर्तिपुरमा जारी नेपाल प्रिमियर लिगमा बेटिङ गरेको आरोपमा प्रहरीले चार जनालाई पक्राउ गरेको छ।

केन्द्रीय अनुसन्धान ब्युरो ९सिआइबी० को टोलीले चार जनालाई पक्राउ गरेको एसपी होबिन्द्र बोगटीले जानकारी दिए।

उनका अनुसार चारै जना भारतीय नागरिक हुन्। दुई जनालाई सोमबार र दुई जनालाई मंगलबार पक्राउ गरेको हो।

‘आज बिहान पनि जारी खेलमा बेटिङ गरिरहेको अवस्थामा पक्राउ गरेका हौं। सिआइबीमा ल्याउँदैछ,’ उनले भने।

सोमबार पक्राउ परेका सुबास भोस र अमित यादव छन्। उनीहरूले स्पोर्ट्स बाजी र प्रोबो भन्ने एपबाट बेटिङ गरेको खुलेको थियो।

एनपिएलमा बेटिङ हुने आशंकामा सिआइबीको टोली कीर्तिपुरमा परिचालन भएको छ। पक्राउ परेकाहरूमाथि सट्टेबाजी गर्न नहुने कसुर अन्तर्गत अनुसन्धान हुने प्रहरीले जनाएको छ।

थप समाचारहरु

जिनियसद्वारा नेपाली राष्ट्रिय महिला फुटबल टोली नगदसहित सम्मानित ओमानका अनुभवी खेलाडी मक्सूद कर्णाली याक्समा अनुबन्ध साउथ ह्याम्पटनलाई पराजित गर्दै लिभरपुलको ८ अंकको अग्रता प्रधानमन्त्री ओलीको नजरमा एनपिएलका आठ मार्की खेलाडी जनकपुर बोल्ट्सको‘टाइटल स्पोनसर’ मा डीएनए इन्टरनेश्नल नेपाल च्याम्पियन्स लिगमा बार्सिलोना ३–० ले विजयी