काठमाडौं । श्रृद्धाञ्जली सभा ‘हाम्रो अभियानः नेपाली फुटबलमा आमुल परिवर्तन’ नामक संस्थाको उपत्यका समन्वय समितिले सिस्नेरी फुटबल एकेडेमीका किशोर खेलाडीहरुको निधन भएको ४५ औं दिनको पुण्यतिथिमा श्रृद्धाञ्जली सभाको आयोजना गरेको छ ।
सोमबार ललितपुरको कुपण्डोलमा समितिले प्राकृतिक प्रकोपमा परि दिवंगत भएका ६ जना खेलाडीहरुको ४५ औ पुण्यतिथिमा मृत आत्माको चिर शान्तिको कामना गर्दै दिप प्रज्वलन तथा श्रद्धाञ्जली सभाको आयोजना गरेको हो ।
श्रृद्धाञ्जली सभामा निधन भएका किशोर खेलाडीहरुको आफन्त, आयोजक संस्थाका पदाधिकारी, अखिल नेपाल फुटबल संघ (एन्फा) का वर्तमान र पूर्वपदाधिकारी, विभिन्न क्लबका पदाधिकारी, विभिन्न विद्यालयका विद्यार्थीहरुको सहभागिता रहेको थियो ।
गत असोज १२ गते मकवानपुर जिल्ला इन्द्रसरोवर गाउँपालिका वडा नम्बर ३ स्थित एन्फा वात्सल्यदेबी एकेडेमीमा पहिरोमा परी ६ जना किशोर खेलाडीको निधन भएको थियो ।
घटनामा मृत्यु भएका ६ जना बाल फुटबल खेलाडी आदित्य बलम्पाखी, विकल रेग्मी, प्रियान्स आयार्च, दिवस बानियाँ, अनुपम घलान र साइमन योञ्जनको निधन भएको थियो। श्रृद्धाञ्जली सभामा पहिरोमा परी जीवन गुमाउने किशोर खेलाडीका आफन्तहरुले आफ्नो धारणा पनि राखेका थिए ।
थप समाचारहरु
कीर्तिमानी अलराउन्डर साद बिन जफर लुम्बिनी लायन्सबाट खेल्ने
मिसन–२०२६ खेलकुद अभियान हो : टंकलाल घिसिङ
ह्विलचियर बास्केटबलको सेमिफाइनल समीकरण पूरा
नयाँ प्रशिक्षकसहित नेपाली राष्ट्रिय पुरुष फुटबल टोलीको बिदाई
त्रिवि क्रिकेट मैदान पुनर्निर्माण तोकिएकै मितिमा पूरा हुने
आईपीएलमा मुम्बईको लगातार दोस्रो जित
