ल्हारक्याल लामा नियुक्तिमा कांग्रेसको विमती छ : महामन्त्री शर्मा

२२ साउन, काठमाडौं । नेपाली कांग्रेसका महामन्त्री विश्वप्रकाश शर्माले ल्यारक्याल लामालाई लुम्बिनी विकास कोषको उपाध्यक्ष नियुक्त गर्ने सरकारको निर्णयको स्वामित्व नेपाली कांग्रेसले नलिने बताएका छन् ।

सोमबार नयाँ बानेश्वरस्थित संघीय संसद भवनमा सञ्चारकर्मीहरुसँग कुराकानी गर्दै महामन्त्री शर्माले कोषमा लामाको नियुक्तिले गलत सन्देश दिएको धारणा राखे ।

‘म यो विषयमा प्रष्ट विमती राख्न चाहन्छु । मैले रक्षामन्त्री र कानुनमन्त्रीसँग सम्पर्क गरेर ध्यानाकर्षण गराएको छु । यो निर्णय सरकारको निर्णय हो । यो निर्णयको स्वामित्व नेपाली कांग्रेस बोक्दैन’ उनले भने ।

गौतम बुद्धको जन्मथलोमा नेतृत्व गर्ने व्यक्ति नियुक्तिमा सरकार गम्भीर हुन नसकेको उनले बताए । ‘संसार भरिका मानिसहरु नेपालतिर फर्केर श्रद्धा गर्छन् । त्यो माटोमा शीर एकपटक झुकाउन पाउँदैगर्दा जिवन नै धन्य भयो भन्नेखालको महशुस गर्छन् ।

यस्तो थलोमा नेतृत्व चयन गर्दै गर्दाखेरी सरकारले गम्भिरतापूर्वक कस्तो पृष्ठभूमिको, के योग्यता कस्तो छविको भनेर ध्यान नपुर्‍याउनु वर्तमान सरकारको गम्भीर गल्ती हो’ उनले भने ।

थप समाचारहरु

भूकम्प प्रभावित क्षेत्रबाट फर्केपछि प्रधानमन्त्रीलाई गगन र विश्वप्रकाशको ११ बुँदे ध्यानाकर्षण प्राइमरी इलेक्सन २०८४ मा पाइलट प्रोजेक्ट हुनेछः विश्वप्रकाश शर्मा विश्वप्रकाश शर्मा भन्छन्ः भष्ट्राचारमा सामेल सबै कांग्रेसलाई कारवाही हुनुपर्छ देशमा केही पनि भएन भन्ने भाष्य गलत : प्रधानमन्त्री संविधान संशोधन सबैदलको सहमतिमा हुन्छ : गृहमन्त्री लेखक अध्यक्ष लिङदेनको चेतावनी : आन्दोलनमा दमनको सहारा लिएमा बढारिनुपर्ने छ