१४ कात्तिक, काठमाडौं । १२ पटक इंग्लिस प्रिमियर लिग फुटबलको उपाधि जितेको म्यानचेस्टर युनाइटेड अहिले इतिहासकै खराब मोडमा उभिएको टिप्पणी फुटबल पण्डितहरुले गर्न थालेका छन् ।
जारी प्रिमियर लिगमा लगातारको असफलता र मुख्य प्रशिक्षक एरिट टेन हागको बर्हिगमनका कारण पछिल्लो समय अन्तर्राष्ट्रिय सञ्चारमाध्यमहरुमा खेलकुदको मुख्य हेडलाइन युनाइटेड बन्ने गरेको छ ।
यसअघि प्रशिक्षकको असफलतासँग जोडिएको युनाइटेड अब विस्तारै क्लबको नेतृत्व गर्ने व्यक्तिहरुको बारेमा पनि चर्चा हुन थालेको हो । धेरैजसो व्यवसायिक क्षेत्रमा सफलता हासिल गरेका ब्रिटिश धनाढ्य सर जिम र्याटक्लिफको म्यानचेस्टर युनाइटेडसँगको सम्बन्ध केही दिनयता चुनौतीपूर्ण बनेको छ ।
विशाल सम्पत्तिका मालिक सर जिम, जसले विभिन्न व्यवसायमा एकपछि अर्को सफलता हासिल गरेका पनि छन् । तर, विश्वकै प्रख्यात फुटबल क्लब म्यानचेस्टर युनाइटेडको व्यवस्थापनमा भने उनी असफल भएको बताउन सुरु भइसकेको छ ।
हालै, सर जिमको आईनेओस ब्रिटानिया समूह अमेरिकास कपको फाइनलमा न्यूजिल्याण्डसँग ७–२ ले पराजित भयो । जसले यति ठुलो अन्तर्राष्ट्रिय प्रतिस्पर्धामा उनको ठूलो सपना अधुरै रह्यो ।
तर यो पराजयभन्दा अझ गम्भीर चुनौती भने म्यानचेस्टर युनाइटेडका समर्थकहरूबाट भएको आलोचना हो । युनाइटेडको निराशाजनक प्रदर्शन र हाल प्रिमियर लिगमा १४ औं स्थानमा रहेको क्लबको वर्तमान स्थिति प्रति समर्थकहरू पटक्कै सन्तुष्ट हुन सकेका छैनन् ।
सर जिमले म्यानचेस्टर युनाइटेडमा आफ्नो २७.७ प्रतिशत लगानी गर्दै क्लबको व्यवस्थापन हातमा लिएका छन् । तर उनले क्लबका मुख्य प्रशिक्षक एरिक टेन हागको अनुबन्ध नवीकरण गर्ने निर्णय गर्दा समर्थकहरू चिढिएका थिए ।
एक टेलिभिजन अन्तरवार्तामा, सर जिमले टेन हागलाई राख्ने वा हटाउने निर्णय आफूले नगरेको बताएपछि यो अझ विवादास्पद बनेको थियो । उनको यस भनाइले समर्थकहरूलाई अझ बढी निराश बनायो ।
‘यदि निर्णय उनको हैन भने, कसको हो?’ समर्थकहरुले गर्दै आएका छन् । यो निर्णय सर डेव ब्रेल्सफोर्डको नेतृत्वमा रहेको ‘पोलिटब्यूरो’ नाम दिइएको सल्लाहकारहरूको समूहद्वारा भएको बताइन्छ । जसले सर जिमलाई क्लब सञ्चालनमा सल्लाह दिने गर्छन् ।
जब सर जिम युनाइटेडमा आए, प्रशंसकहरूले उनलाई अमेरिकन मालिकहरूको प्रभाव अन्त्य गर्ने र क्लबलाई नयाँ उचाइमा पुर्याउने व्यक्तिका रूपमा देखेका थिए। अझै पनि धेरै समर्थकहरूमा उनको योगदानप्रति आशा कायम छ । तर व्यवसायिक दुनियाँमा जस्तै फुटबलमा सफलता हासिल गर्न सजिलो छैन भन्ने कुरा हालका घटना क्रमले देखाएको छ ।
प्रसिद्ध फुटबल व्यवस्थापक बिल श्यान्क्लीको भनाइले यसको अर्थलाई अझ प्रस्ट पार्छ, ‘फुटबल जीवन–मरण भन्दा पनि महत्वपूर्ण छ ।’ फुटबलको पृष्ठभूमि नबुझी व्यवसायिक शैलीमा निर्णय गर्दा ठूलो गल्ती हुनसक्छ भन्ने पाठ यसले सर जिमलाई सिकाएको छ ।
थप समाचारहरु
नेपाल र हङकङबीचको टी-२० आई क्रिकेट वर्षाका कारण रद्ध
पेरिस ओलम्पिक : प्रिन्स समूह चरणको सबै खेलमा पराजित
कर्णालीले सुदूरपश्चिमलाई दियो १०२ रनको लक्ष्य
सुदूरपश्चिमले कर्णालीलाई हरायो, प्लेअफको समीकरण पूरा
एनपीएल : लिग चरणका खेल सकिएसँगै आज ब्रेक
आईपीएल ः पञ्जाब र मुम्बईको निर्णायक खेल आइतबार अहमदावादमा हुने
