९ कात्तिक, काठमाडौं । टोटनह्याम हट्सपरले आफ्नो युरोपा लिग अभियानमा शतप्रतिशत जीतको यात्रा कायम राख्दै एजे अल्कमारलाई १–० गोलले पराजित गरेको छ । ब्राजिली खेलाडी रिचार्लिसनले खेलको एकमात्र गोल गर्दै आफ्नो टोलीलाई जित दिलाए । टोटनह्याम हट्सपर स्टेडियममा भएको खेलमा उनले दोस्रो हाफमा पेनाल्टीमार्फत गोल गरे । जसले टोलीलाई प्रतियोगितामा लगातार तेस्रो जीत दिलायो ।
मुख्य प्रशिक्षक एन्जे पोस्टेकोग्लुको टोलीले पहिलो हाफमै केही राम्रा अवसरहरू सिर्जना गरेको थियो । मिक्की मुरले टिमो वेर्नरको क्रसमा हेडर प्रहार गरे तर बल बाहिरियो । अर्कोतिर, वेर्नरले एजे गोलरक्षक रोम–जयडेन ओवसु–ओडुरोतर्फ सिधा प्रहार गरे ।
दोस्रो छेउमा टोटनह्यामका गोलरक्षक फ्रेजर फोर्स्टरले अलेक्जेन्डर पेनेत्राको हेडरलाई उत्कृष्ट बचाउ गर्दै खेलमा बराबरी हुन दिएनन् ।
खेलको ५३औं मिनेटमा टोटनह्यामले अग्रता लियो । जब म्याक्सिम डेकरले बक्स भित्र लुकास बर्गवाललाई लडाएपछि रिचार्लिसनले पेनाल्टीलाई गोलमा परिणत गरे ।
त्यसपछि एजेका अर्नेस्ट पोकुले गोलको अवसर सिर्जना गरे तर रोड्रिगो बेन्तानकुरले समयमै रोक्दै सम्भावित बराबरी गोल हुन दिएनन् । खेलको अन्त्यतिर एजेका डेविड मोलर वोल्फले ब्रेन्नन जोनसनलाई फाउल गरेपछि दोस्रो पहेँलो कार्ड पाउँदै मैदानबाट बाहिरिए ।
यसैबीच, टोटनह्यामले युरोपा लिगको घरेलु मैदानमा आफ्नो उत्कृष्ट प्रदर्शन जारी राखेको छ । उनीहरूले सात खेलमा जित हात पारेका छन्, जहाँ १९ गोल गरेका छन् र कुनै गोल खाएका छैनन् ।
एजे अल्कमारको भने इंग्ल्यान्डको मैदानमा खेल्ने यात्रा निराशाजनक रहँदै आएको छ । अहिलेसम्म नौवटा खेलमा हार बेहोरेको छ । मोलर वोल्फको दोस्रो लगातार खेलमा रातो कार्डले उनीहरूको इंग्ल्यान्डमा जित्ने आशालाई समाप्त गरिदिएको थियो ।
थप समाचारहरु
विश्वकप लिग–टू : अमेरिकासँग नेपाल ३७ रनले पराजित
स्पेनिस ला– लिगामा बार्सिलोनाको अर्को जित
कुशलको कीर्तिमान तोडेका लोफ्टी–इटन चितवनमा
पूर्व भारतीय यू–१९ कप्तान उन्मुक्त चन्द लुम्बिनी लायन्समा सामेल
दोस्रो प्रोफेशनल हाप्किडो राष्ट्रिय प्रतियोगिता सुरु
के हो कोशी खेलकुद विकास बोर्डको विवाद ? अदालतले भन्यो लिखित जवाफ पेस गर्नु
