४ असोज, काठमाडौं । भारतका दुई प्रमुख ब्याटर रोहित शर्मा र विराट कोहली बंगलादेशविरुद्ध पहिलो टेस्ट खेलमा रन बनाउन असफल बनेका छन् ।
दोस्रो दिनको खेल सकिँदा घरेलु टोली भारत दोस्रो इनिङमा ८१–३ को अवस्थामा छ । पहिलो इनिङमै २२७ रनले अघि भएको भारतले समग्रमा ३०८ रनको अग्रता लिएकोछ ।
पहिलो इनिङमा ६ रनमा आउट भएका कप्तान रोहित शर्माको ब्याट दोस्रो इनिङमा पनि चलेन । उनलाई दोस्रो इनिङमा तीव्र गतिका बलर तस्किन अहमदले थर्ड स्लिपमा आउट साइड एज लगाउदै जकिर हसनबाट ५ रनमा क्याच गराए ।
विराट कोहली पहिलो इनिङमा ६ रनमा आउट भएका थिए । दोस्रो इनिङमा कोहलीलाई स्पिनर मेहेदी हसन मिराजले १७ रनमा एलबीडब्लू आउट गरे । भारतका शुभमन गिल ३३ र ऋषभ पन्त १२ रनमा नटआउट छन् । ओपनर यशस्वी जैसवाल १० रनमा आउट हुन पुगे ।
बंगलादेश पहिलो इनिङमा आज नै १४९ रनमा अल आउट भयो । बंगलादेशका सकिब अल हसनले ३२, मेहेदी हसन मिराजले २७, नाज्मुल हसन सान्टोले २० र लिटन दासले २२ बनाए । भारतका जस्प्रित बुमराहले ४, मोहम्मद शिराज, आकाश दीप र रविन्द्र जडेजाले २–२ विकेट लिए ।
चेन्नईमा टस हारेर पहिला ब्याटिङको निम्तो पाएको भारत ३७६ रनमा अल आउट भएको थियो । रविन्द्रन आश्विन १३३ बलमा ११ चौका र २ छक्कासहित ११३ रनमा आउट भए । रविन्द्र जडेजा १२४ बलमा १० चौका र २ छक्कासहित ८६ रनमा आउट भए ।
एक समय १४४–६ को अवस्थामा पुगेको भारतलाई आश्विन र जडेजाले सातौं विकेटका लागि २४० बलमा १९९ रनको साझेदारी गरेका थिए । दोस्रो दिन सुरुवात मै जडेजा तस्किनको बलमा विकेटकिपर लिटन दासबाट क्याच भएपछि शतक बनाउन चुकेका थिए । बंगलादेशका हसन महमुदले ५ र तस्किन अहमदले ३ विकेट लिए ।
भारतले दोस्रो दिन आज पहिलो इनिङ ८० ओभरमा ३३९–६ को अवस्थाबाट सुरुवात गरेको थियो । भारतको आज पहिलो इनिङमा ४ र दोस्रोमा ३ विकेट गुमेकोछ । बंगलादेशले भने पहिलो इनिङमा अल आउट हुँदै १० विकेट गुमायो । त्यसैले आज भारतको ७ र बंगलादेशको १० गरी एक दिनमा मात्रै १७ विकेट गुम्न पुग्यो ।
थप समाचारहरु
जनकपुर बोल्ट्सलाई प्रधानमन्त्रीको सम्मान, आयोजकलाई बधाई
काठमाडौंमामधेशी युवाहरुमाथि कुटपिट घटनाप्रति जनकपुरधामका युवाहरु आन्दोलित
टाइगर कप भलिबलः हेल्प नेपालसँग पराजित हुँदा प्रतियोगितबाट बाहिरियो एपिएफ
सिटी च्याम्पियन्स लिगको प्ले अफमा
स्पेनिस ला लिगामा रियल म्याड्रिडको जित
बागमती प्रदेश सरकारले स्पोर्टस अवार्ड एन्ड युथ समिट गर्ने
