महिला लिगमा फुटबलमा कोशीको विजयी सुरुवात

काठमाडौँ। कोशी प्रदेशले आइतबारदेखि सुरु भएको एन्फा महिला लिग फुटबलमा विजयी सुरुवात गरेको छ ।

समीक्षा मगरको दुई गोलमा आइतबार भएको उद्घाटन खेलमा कोशी प्रदेशले वालिङ नगरपालिका स्याङ्जालाई ४–० ले पराजित गरेको हो ।

सातदोबाटोस्थित एन्फा कम्प्लेक्समा कोशीले पहिलो हाफमा एक गोल गरेको थियो भने दोस्रो हाफमा तीन गोल थप्यो ।

सानुमाया तामाङले खेलको १०औँ मिनेटमा गवल गर्दै कोशीलाई अग्रता दिलाएकी थिइन् ।

समीक्षा मगरले ५१औँ र ५९औँ मिनेटमा गोल गरिन् । यस्तै प्रतीक्षा राईले ६८औँ मिनेटमा गोल गरिन् ।

एन्फा महिला लिगमा कूल १० टोलीको सहभागिता छ । सिंगल राउण्ड रोविनको पहिलो भरणपछि शीर्ष पाँच टिमको डबल राउण्ड रोविनका आधारमा सुपर लिग र अन्तिम चरणमा प्लेअफ खेलहरू हुनेछ ।

लिगमा सोमबार सुदूरपश्चिम प्रदेश र बागमती युवा क्लबबीच खेल हुनेछ । खेल एन्फा कम्प्लेक्समा ३ बजे सुरु हुनेछ ।

थप समाचारहरु

क्यानडाविरुद्ध कप्तान रोहित पौडेलले पनि बनाए अर्धशतक दोस्रो बागमती प्रदेश लिग फुटबल प्रतियोगिता अन्तर्गत आज दुई खेल हुदैँ जनकपुर बोल्टसका खेलाडीलाई जनकपुरमा स्वागत एलिट कपका लागिसन्दीपको कप्तानीमा बागमतीको टोली घोषणा दिल्लीमा सम्पन्न कुस्ती प्रतियोगितामा नेपालका सुरेश चुनाराले जिते कांस्य पदक आईसीसी टी–२० विश्वकप छनोटको दोस्रो अभ्यास खेलमा नेपालको जित