२९ साउन, काठमाडौं । काठमाडौं मोडेल कलेजको आयोजनामा केएमसी टीयु बीसीए फुटसल कप–२०८१ आयोजना हुने भएको छ ।
३१ र ३२ साउनमा आयोजना हुने प्रतियोगितामा २४ भन्दा बढी कलेजका टिमहरू सहभागी हुने कलेजले जनाएको छ ।
प्रतियोगिताले नेपालभरिका बीसीए विद्यार्थीको उत्साह र खेलप्रतिको लगावलाई झल्काउने विश्वास कलेजको छ ।
यो प्रतियोगिताको मुख्य उद्देश्य त्रिभुवन विश्वविद्यालय अन्तर्गतका बीसीए विद्यार्थीमा खेलप्रतिको रुचि, जोश, र समर्पणलाई प्रोत्साहन गर्नु रहेको कलेजले जनाएको छ ।
प्रतियोगितामा विजेता हुने टिमले ७० हजार रुपैयाँ नगद , ट्रफी र प्रमाणपत्र तथा उपविजेता टिमले ३० हजार नगद, ट्रफी र प्रमाणपत्र हात पार्ने कलेजले जनाएको छ ।
प्रतियोगितामा उत्कृष्ट प्रदर्शन गर्ने खेलाडी, धेरै गोल गर्ने खेलाडी र उत्कृष्ट गोलकिपरलाई समान २ हजार रुपैयाँ नगद र ट्रफी पाउने छन् ।
प्रतियोगितामा खेल भावना प्रदर्शन गर्ने टिमलाई ‘सर्वोत्तम खेल भावना टिम’ को रूपमा सम्मान गरिने कलेजले जनाएको छ ।
थप समाचारहरु
शारीरिक सुगठनमा विजयी खेलाडी प्रधानमन्त्रीबाट सम्मानित
सुदूरपश्चिम रोयल्स र नेपाल टेलिकमबीच पार्टनरका लागि प्रायोजन सम्झौता
नेपाल कबड्डी लिगको लोगो, सिटी र ट्रफी सार्वजनिक
नेपाल प्रिमियर लिगको युट्युब प्रशारण अधिकार डिश मिडिया नेटवर्कलाई
सुदूरपश्चिम रोयल्सको ग्याजेट पार्टनरमा एक्स–एज
त्रिवि क्रिकेट मैदान पुनर्निर्माण तोकिएकै मितिमा पूरा हुने
