१० साउन, काठमाडौं । एसीसी एसिया कप महिला क्रिकेटको सेमिफाइनल समिकरण पूरा भएको छ ।
बुधवार राति भएको खेलको नतिजासँगै सेमिफाइनल पुग्ने चार टिमको टुंगो लागेको हो ।
समूह एबाट भारत र पाकिस्तानले सेमिफाइनलमा स्थान बनाउँदा समूह बीबाट श्रीलंका र बंगलादेशले स्थान पक्का गरेका छन् ।
बुधवार भएको पहिलो खेलमा बंगलादेशले मलेसियालाई ११४ रनले पराजित गर्दै अन्तिम चारमा स्थान पक्का गर्दा दोस्रो खेलमा श्रीलंकाले थाइल्याण्डमाथि १० विकेटको एकतर्फी जित निकालेको हो ।
समूह चरणका खेल सकिएपछि प्रतियोगिताका दुवै सेमिफाइनल खेल शुक्रबार जुलाई २६ मा हुनेछन् । पहिलो सेमिफाइनलमा भारत र बंगलादेशबीच प्रतिस्पर्धा हुनेछ भने दोस्रो खेलमा श्रीलंका र पाकिस्तान भिड्नेछन् ।
समूह ‘ए’ बाट भारत सबै खेल जितेर शीर्ष स्थानमा छ भने समूह ‘बी’ बाट श्रीलंका सबै खेल जितेर शीर्ष स्थानमा छ ।
बंगलादेश र पाकिस्तानले भने समूह खेलमा क्रमशः श्रीलंका र भारतसँग पराजित भएका छन् ।
त्यसैले सेमिफाइनलमा समूह ‘ए’ को शीर्ष टोलीले समूह ‘बी’ को दोस्रो स्थानको टोलीसँग प्रतिस्पर्धा गर्दैछ । जसमा भारत र बंगलादेशबीचको खेल हुनेछ । अर्कोतर्फ समूह ‘बी’ मा शीर्ष स्थानमा रहेको श्रीलंकाले समूह ‘ए’ मा दोस्रो स्थानमा रहेको पाकिस्तानसँग खेल्नेछ ।
सेमिफाइनलको पहिलो खेलमा शुक्रबार दिउँसो सवा २ बजे भारत र बंगलादेश भिड्ने छन् भने सोही साँझ सवा ७ बजे श्रीलंका र पाकिस्तान आमने सामने हुने छन् ।
थप समाचारहरु
रोनाल्डोको कीर्तिमान, पोर्चुगलको जित
टी–२० विश्वकपमा टोलीको खराब प्रर्दशनपछि न्युजिल्यान्डका केनले छोडे कप्तान पद
बुन्डेस लिग: डिफेन्डिङ च्याम्पियन लेभरकुसनको विजयी सुरुवात
ओलम्पिक कमिटीलाई सदस्यता प्रदान गर्न खेल संघहरुको माग
एनपीएलमा आज दुई खेल हुँदै : भारतका चर्चित खेलाडी धवन कर्णाली याक्सबाट खेल्दै
मन्थली नगर कप : पुरुष भलिबलको उपाधि चिसापानीलाई , महिलाको उपाधि भटौलीलाई
