३१ असार , काठमाडौं । युरो कप २०२४ को उपाधि स्पेनले जितेको छ ।
जर्मनीको बर्लिनस्थित ओलम्पिया मैदानमा सोमबार बिहान सम्पन्न खेलमा इङ्ल्यान्डलाई २–१ गोलले पराजित गर्दै स्पेन च्याम्पियन बनेको हो ।
फाइनल खेलमा दुबै टोलीले पहिलो हाफ गोलरहित बराबरी सकाएका थियो । तर, दोस्रो हाफ सुरु भएको दोस्रो मिनेटमै निको विलियम्सले गोल गर्दै स्पेनलाई अग्रता दिलाए थिए ।
तर, त्यो अग्रता स्पेनले जोगाउन सकेन । ७३औं मिनेटमा जुड बेलिङ्घमले दिएको ब्याक पासमा कोल पाल्मरले गोल गर्दै इङ्ल्यान्डलाई खेलमा फर्काए ।
तर, स्पेनले ८६औं मिनेटमा २–१ को अग्रता बनायो । काइल वाकरलाई बिट गर्दै मार्क कुकुरेलाले दिएको पासमा माइकल ओयारजाबलले गोल गर्दै स्पेनलाई २–१ को जित दिलउँदै उपाधि रक्षा गर्न महत्वपूर्ण भूमिका निर्वाह गरे ।
स्पेनले यसअघि सन् १९६४, २००८ र २०१२ मा युरोको उपाधि जितेको थियो ।
उता, इंग्ल्यान्डको ठूलो उपाधि जित्ने अभियान ५८ वर्षयता फेरि अधुरो नै रह्यो ।
इंग्ल्यान्डले सन् १९६६ मा विश्वकप उचालेयता कुनै पनि उपाधि जित्न सकेको छैन ।
थप समाचारहरु
आईसीसी विश्वकप लिग-२ : नेपालले आज ओमानसँग भिड्दै
च्याम्पियन्स लिगमा रियलमाथि लिभरपुलको जीत
यु–१९ महिला विश्वकपमा आज नेपालले स्कटल्याण्डसँग खेल्दै
आईपीएलमा मुम्बईको लगातार दोस्रो जित
आईपीएलमा दिल्लीविरुद्ध कोलकाताको रोमाञ्चक जित
रोचक रहयो विश्वको पहिलो रोबोट फाइटिङ, ‘एआई स्ट्राटेजिस्ट’ बन्यो च्याम्पियन
