रातो कागज
१७ जेठ , काठमाडौँ । टी-२० विश्वकप खेल्न अमेरिका जाने तयारीमा रहेका क्रिकेटर सन्दीप लामिछानेको भिसा आवेदन अमेरिकन एम्बेसीले अस्वीकार गरेको छ ।
बलात्कार मुद्दामा हालै उच्च अदालतबाट सफाइ पाएसँगै सन्दीपलाई नेपाल क्रिकेट संघ (क्यान) ले नेपाली टिमबाट खेल्न अमेरिका पठाउने प्रक्रिया अघि बढाएको थियो ।तर एम्बेसीले भिसा दिन नमानेपछी लामिछानेको विश्वकप खेल्ने सपना अन्त्य भएको छ ।
टी–२० विश्वकप क्रिकेट खेल्न उनले दिएको आवेदन दूतावासबाट अस्वीकार यसअघि पनि भएको थियो । यसअघि सन् २०१९ मा पनि क्यारेबियन प्रिमियर लिग (सीपीएल) खेल्न जान लागेका लामिछानेलाई अमेरिकी दूतावासले सुरुमा भिसा दिएको थिएन । फेरि सामाजिक सञ्जालमा आलोचना भएपछि बोलाएर भिसा दिएको थियो ।
टी–२० विश्वकप क्रिकेटका लागि अन्य नेपाली खेलाडी अमेरिका छन् । नेपालले पहिलो खेल जुन ४ (२२ जेठ) मा नेदरल्यान्ड्सविरुद्ध खेल्दै छ ।
थप समाचारहरु
फेसबुकबाट तपाईको प्रतिक्रिया