२८ वैशाख, विराटनगर । कोशी प्रदेशका प्रदेश प्रमुख पर्शुराम खापुङले प्रदेशसभाको पाँचौं तथा बर्खे अधिवेशन आह्वान गरेका छन् ।
बिहीबार नियुक्त भएका मुख्यमन्त्री हिक्मतकुमार कार्की नेतृत्वको पहिलो मन्त्रिपरिषद् बैठकले ३१ वैशाखमा प्रदेशको बजेट अधिवेशन आह्वानका लागि सिफारिस गर्ने निर्णय गरेको थियो ।
मन्त्रिपरिषद्को सिफारिसपछि प्रदेश प्रमुख पर्शुराम खापुङले ३१ बैशाख विहान ११ बजेका लागि प्रदेशसभाको पाँचौं तथा बर्खे अधिवेशन आह्वान गरेका हुन् ।
यसअघि अल्पमतमा परेका मुख्यमन्त्री केदार कार्कीले ११ जेठका लागि प्रदेशसभाको अधिवेशन बोलाउन प्रदेश प्रमुखलाई दुई पटक सिफारिस गरेका थिए ।
२६ चैतमा एमाले र माओवादी केन्द्रले समर्थन फिर्ता लिएपछि अल्पमतमा परेका केदार कार्की बुधबारबाट स्वतः पदमुक्त भएको उल्लेख गर्दै संविधानको धारा १६८ को उपधारा ५ अनुसार नयाँ सरकार गठन आह्वान भएको थियो । बिहीबार नै दाबी पेश गरेका हिक्मतकुमार कार्कीले नियुक्ती र सपथपछि बिहीबार नै कार्यभार सम्हालेका थिए ।
नयाँ सरकार गठन प्रक्रियाको विरुद्ध अन्तरिम आदेश माग गर्दै केदार कार्की सर्वाेच्च अदालत पुगेका छन् । बिहीबार कार्कीले दायर गरेको रिट आज न्यायाधीश हरि फुयालको इजलासमा सुनुवाई भइरहेको छ ।
थप समाचारहरु
कोशीको मुख्यमन्त्रीमा कांग्रेसका उद्धव थापा नियुक्त
सुहाङको अग्रता बढ्यो, स्वतन्त्र उम्मेदवार थेगिमले पनि बढाए मत
कोशीमा को-को बन्दैछन् संसदीय समितिको सभापति ?
घरघरमा स्वच्छ खानेपानी पुरयाउन सरकार प्रतिबद्ध छ स् मन्त्री यादव
लेखा समिति सभापतिकी श्रीमती अञ्जला १० लाख धरौटी बुझाएर रिहा
सरकार मुलुकमा शान्ति सुरक्षा कायम राख्न दृढ : गृहमन्त्री लेखक
