२३ बैशाख, धनगढी । नेकपा एमालेका अध्यक्ष केपी शर्मा ओलीले सुदूरपश्चिमका मुख्यमन्त्री दीर्घबहादुर सोडारीलाई विश्वासको मत दिन हतार नगर्न निर्देशन दिएका छन् ।
शनिबार राति प्रमुख सचेतक सुरेन्द्र पालसहित ओलीलाई भेट्न पूर्व मुख्यमन्त्री समेत रहेका एमाले संसदीय दलका नेता राजेन्द्रसिंह रावलसँगको भेटमा ओलीले हतार नगर्न निर्देशन दिएका हुन् ।
“श्रेद्वय अध्यक्ष कमरेडसँग उहाँकै निवास बालकोटमा करीब साढे २ घण्टासम्म कुराकानी भयो,” रावलले भने, “मुख्यमन्त्रीलाई विश्वासको मत दिने सन्दर्भमा हतार नगर्नुहोस् भने ।
समय बाँकि हुँदै मुख्यमन्त्रीले किन हतार गर्नुभएको छ ? भनेर चासो राख्नुभएको थियो ।”
रावलले बझाङ उपनिर्वाचनबाट निर्वाचित दमनबहादुर भण्डारीले बुवाको किरियाकर्म सकेर सपथ ग्रहण गरेपछि विश्वासका सम्बन्धमा निर्णय लिइने उल्लेख गरे ।
६ बैशाख एमालेसहित गठबन्धनमा आवद्व दलको समर्थनमा मुख्यमन्त्रीमा नियुक्त भएका एकीकृत समाजवादीका सोडारीले २१ बैशाखमा विश्वासको मत लिने तयारी गरेका थिए ।
तर एमालेले मुख्यमन्त्रीले सल्लाह नगरि व्यक्तिगत निर्णय लिएका कारण विश्वासको मत दिन नसकिने अडान लिएपछि प्रदेश सभाको बैठक अनिश्चितकाललाई स्थगित गरिएको छ ।
थप समाचारहरु
सुदूरपश्चिमका एमाले नेताहरुको ध्यान प्रतिनिधि चयनमा
सुदूरपश्चिम प्रदेशसभाको हिउँदे अधिवेशन सुरू
एमाले कञ्चनपुरको अधिवेशनमा विवाद, पार्टी कार्यालयमा तालाबन्दी
सुदूरपश्चिममा नाउपाकै कैलाश चौधरीले पनि मुख्यमन्त्रीमा दाबी पेश गरे
सुदूरपश्चिममा नाउपाका लक्ष्मणकिशोरलाई समर्थन गर्ने कांग्रेसको औपचारिक निर्णय
सुदूरपश्चिममा मुख्यमन्त्रीमा एमालेले दियो सोडारीलाई समर्थन
