७ वैशाख, काठमाडौं । नेपालमा कम्युनिष्ट पार्टी स्थापनाको ७५ वर्ष पुगेको अवसरमा नेकपा एमालेले आगामी १० वैशाखमा हिरक उत्सव मनाउदैछ ।
विशेष सभा गरी मनाउने यो उत्सवमा एमालेले प्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल प्रचण्ड र नेपाली कांग्रेसका सभापति शेरबहादुर देउवालाई विशेष बक्ता बनाउने भएको छ ।
केन्द्रीय कार्यालय च्यासलमा एमालेले शुक्रबार गरेको पत्रकार सम्मेलनमा महासचिव शंकर पोखरेलले यस्तो जानकारी दिएका हुन् ।
त्यसदिन एमालेले विशेष सम्मान गर्ने तयारी गरिरहेको पनि उनले बताए । ‘गणतन्त्र गौरव’ सम्मान घोषणाको तयारी भइरहेपनि सम्मानित व्यक्तिबारे त्यसैदिन जानकारी दिइने पोखरेलले बताए ।
२००६ सालमा नेकपा स्थापना भएको ७५ वर्ष पुगेको अवसरमा एमालेले बितेको बर्ष २०८० भर विभिन्न कार्यक्रम गर्दै आएको छ ।
आगामी १० वैशाखमा नेपालमा कम्युनिष्ट इतिहास झल्काउने डकुमेन्ट्री प्रस्तुत गर्ने तयारी भइरहेको पनि महासचिव पोखरेलले बताए ।
थप समाचारहरु
सरकारलाई एमालेको चुनौती : फागुन १ गते बिदा दिने प्रस्ताव संसदबाट पारित गरेर देखाऊ
मधेशमा एमालेबाट विजेता र उसाले गरिन् मनोनयन दर्ता
एमालेबाट पदम गिरी सरकारमा जाने
सुदूरपश्चिममा मुख्यमन्त्रीमा दाबी पेस गर्ने समय सकिंदै, केन्द्रको निर्णय कुर्दै एमाले
कांग्रेसको माग कानुनसम्मत छैन : एमाले सचेतक बर्तौला
संसदमा कांग्रेसको बकबास सुनिरहन तयार छैनौं : केपी ओली
